"Oryssha oıymdy jetkizý ońaı". Qazaqsha sóıleýge qymsynatyn depýtattyń áıeli synǵa qaldy

3232
Adyrna.kz Telegram

Qazaqsha taza sóıleıtin Qazaq elindegi etnıkalyq orys ultynyń ókili, Májilis depýtaty Gennadıı Shıpovskıhtiń qazaq áıeli jurttyń synyna qaldy. Kóńili kúpti kórermenniń alańdaýyna da negiz bar sekildi. Sebebi, qazaǵym dep ómir súrgen depýtattyń áıeli qazaqsha sóıleýge qymsynyp, qýystanatyn bolyp shyqty. Qazaqshany jetik biletin orys ultynyń azamatymen turmys qurǵan qazaq qyzy kerisinshe, óz tilinen góri ózge tilde jıi sóıleýdi jón dep tapqan. Bul tek depýtattyń áıeline tán ǵana jaǵdaı emes, Qazaq elinde ósip-óngen, alaıda ulttyq salt-sanadan jurdaı talaı qazaqqa tán, dep habarlaıdy "Adyrna" ulttyq portaly Ekspress K-ǵa  silteme kórsete otyryp. 

Buǵan deıin til máselesin kóterip, jurttyń súıispenshiligine bólenip júrgen depýtat Gennadıı Shıpovskıhke sońǵy kezde áıeli týraly oqyrmandary kóptegen suraq qoıa bastaǵan. Kóńili kúpti kórermenniń alańdaýyna da negiz bar sekildi. Sebebi, qazaǵym dep ómir súrgen depýtattyń áıeli qazaqsha sóıleýge qymsynyp, qýystanatyn bolyp shyqty.

Jeli qoldanýshylaryn depýtattyń jubaıy nelikten oryssha sóıleıtini mazalaǵan. Bul saýaldarǵa depýtat jubaıy ekeýi jaýap berip, onyń vıdeosyn TikTok paraqshasynda jarııalady.

"Keıbir oqyrmandarym "Nege Altynaı (depýtattyń jubaıy: avtor) qazaqsha sóılemeıdi?", "Jubaıyńyzdy qazaqsha úıretińiz" degen sııaqty suraqtar qoıady. Osyǵan baılanysty kishigirim túsinikteme bergim keledi. Bizdiń otbasy Qazaqstan halqy Assambleıasyna uqsaıdy desek, artyq bolmas. Nege deseńizder, ózim orys bola tura úıde ne syrtta bolsyn qazaqsha kóp sóıleımin. Al Altynaı qazaq bola tura, keıde ókinishti-aq, oryssha kóbirek sóıleıdi", — dedi Gennadıı Shıpovskıh.

Depýtat bala kúninen qazaqı ortada júrip, mektepti qazaq tilinde támamdaǵanyn alǵa tartty. Aınalasyndaǵy jandardyń barlyǵy qazaq bolypty. Áıeli Altynaı da 1-synypqa qazaq mektebine barǵanymen, ortasy orys tildiler bolǵan. Sol úshin kóbinde oryssha sóıleıdi eken.

- Qazaqsha jaza da, sóıleı de alamyn. Qazaqtyń barlyq salt-dástúri men yrym-tyıymdaryn jaqsy bilemin. Biraq, maǵan oıymdy orys tilinde jetkizý jeńil. Óıtkeni aınalam orys tildiler boldy. Sondyqtan sol tilde sóıleımin, - dedi depýtattyń jubaıy.

"Adyrna" ulttyq portaly

Pikirler