قازاقستان 2026 جىلدىڭ اقپانىندا باكۋ–تبيليسي–جەيحان مۇناي قۇبىرى ارقىلى 115 مىڭ توننا مۇناي ەكسپورتتادى، دەپ حابارلايدى "ادىرنا" ۇلتتىق پورتالى.
بۇل تۋرالى قازترانسويل ۇلتتىق كومپانياسى حابارلاعان.
كومپانيانىڭ مالىمەتىنشە، 2026 جىلدىڭ قاڭتار ايىندا بۇل باعىت بويىنشا 106 مىڭ توننا مۇناي ەكسپورتتالعان بولاتىن. وسىلايشا، اقپانداعى جونەلتىلىم كولەمى 8,5 پايىزعا ارتقان.
جالپى 2025 جىلدىڭ قورىتىندىسى بويىنشا قازاقستان باكۋ–تبيليسي–جەيحان مۇناي قۇبىرى ارقىلى 1,2 ملن توننا مۇناي ەكسپورتتاعان.
ال 2026 جىلى اتالعان باعىت بويىنشا قازاقستاندىق مۇناي ءترانزيتى 1,6 ملن تونناعا دەيىن جەتكىزۋ جوسپارلانىپ وتىر.
ۇقساس جاڭالىقتار
