ء"وزىمىزدىڭ جەكە باسىمىزعا ءتان ويىمىزدى ۇستانىپ، ساياساتتاعى قيتۇرقى ارەكەتتەردىڭ ارباۋىنا ءتۇسىپ قالمايىق". بۇل پىكىردى بەلگىلى ءانشى ديماش قۇدايبەرگەن ەلوردادا وتكەن ءى ورتالىق ازيا مەديا فورۋمىندا ايتتى، دەپ جازادى "ادىرنا" ۇلتتىق پورتالى.
ء"اربىر ادام ادامسۇيگىش بولۋى كەرەك. ءبىر-بىرىنە دەگەن ماحابباتى بولۋى كەرەك. ادامنىڭ تۇيسىگىندە: "ۇلتتىڭ جامانى بولمايدى" دەگەن وي قالىپتاسۋى كەرەك. وكىنىشكە قاراي، ەگەر دە ءبىر ۇلتتىڭ وكىلى وعاش قىلىق جاسايتىن بولسا، تۇبەگەيلى سول ۇلتتى جامان دەپ ەسەپتەيتىندەر دە بار. سول سەبەپتەن ەڭ الدىمەن ۇلتتىڭ جامانى جوق ەكەنىن ءتۇسىنۋىمىز كەرەك. سونىمەن قاتار ارقاشان ءبىر-بىرىنە دەگەن ەرەكشە ىنتىزارلىق، ماحابباتپەن، ادامسۇيگىشتىكپەن قاراپ ءجۇرۋىمىز كەرەك. ەگەر وسى ۇستانىمدى ۇستاناتىن بولساق، الەمدە بەيبىتشىلىك تە بولادى، تىنىشتىق تا بولادى. ەڭ باستىسى ساياساتپەن ارالاسىپ جاتقان ازاماتتاردىڭ قيتۇرقى ارەكەتتەرىنە الدانباي، اربالماي، ءوزىمىزدىڭ جەكە باسىمىزعا ءتان عانا ويىمىزدى ۇستانىپ، سونىمەن ىلگەرىلەپ ءجۇرۋىمىز قاجەت دەپ ويلايمىن. مىنا ساياساتتاعى قيتۇرقى ارەكەتتەردىڭ ارباۋىنا ءتۇسىپ قالمايىق", - دەدى ديماش قۇدايبەرگەن.
"ادىرنا" ۇلتتىق پورتالى
