ۇكىمەت وتىرىسىندا "2027 دەيىن ەلىمىزدىڭ 20 قالاسىنا 5G ينتەرنەت جەلىسى تارتىلادى" دەپ سۇيىنشىلەگەن تسيفرلىق دامۋ ءمينيسترى باعدات مۋسينگە ءماجىلىس دەپۋتاتى ءمادي احمەت شۇيلىگىپ، 5G تۇگىلى قاراپايىم ينتەرنەتكە قول جەتكىزە الماي وتىرعان ەلدى-مەكەندەر كوپ ەكەنىن ايتتى، دەپ جازادى "ادىرنا" ۇلتتىق پورتالى.
مينيسترگە "ەتەك-جەڭىمىزدى جيناپ الايىق" دەگەن احمەتوۆ 5G ينتەرنەت جەلىسىنە كوشپەستەن بۇرىن اۋەلى اۋىل-ايماقتارعا قاراپايىم ينتەرنەت ورناتىپ الايىقشى دەدى.
ء"سىز بىلتىر عانا كەلىپ، ءدال ءوزىڭىز وسى باياندامانى وقىدىڭىز. ءدال وسى سلايدتاردى كورسەتتىڭىز. ءبىز ۇسىنىم بەردىك. بۇگىن سول ءبىر جىل بۇرىن بەرىلگەن ۇسىنىمداردىڭ قايسى ورىندالدى، قايسى قابىلداندى، قايسى قابىلدانعان جوق ەكەنىن ايتقان جوقسىز. جىل سايىن وتكىزەمىز. جاۋىر بولعان تاقىرىپ. نە قوسىلىپ جاتقان اۋىلدار، اۋداندار جوق. ەلدى-مەكەندەرگە شىققان كەزدە حالىق بۇكىل وكپە-ناز، وتىنىشتەرىن بىزگە جەتكىزەدى. قازىر ەلوردا ماڭى تۇگىلى ءوزىمىزدىڭ استانانىڭ ىشىندەگى جك-لاردا ينتەرنەت جوق. ەشقايسىسى قوسىلا الماي وتىر. ونىڭ بارلىعىن كۇندەلىكتى كورىپ، ەستىپ وتىرمىز. ال ءبىز بۇل جەردە جوعارى تەحنولوگيالار جايلى ءسوز ەتەمىز. اۋىل تۇگىلى استانانىڭ ىشىندە ينتەرنەتتىڭ ءوزى دۇرىس جۇمىس جاساماي وتىر. ارينە الەمنەن قالماۋىمىز كەرەك. ورتالىق ازيادا ءبىرىنشى بولۋىمىز كەرەك. بىراق ستاتيستيكانى، رەيتينگتى قۋىپ جۇرە بەرمەي، اۋىلداعى، اۋدانداعى ەلدى-مەكەندەردىڭ جاعدايىن جاساپ الىپ بىراق جۇرگەنىمىز دۇرىس شىعار", - دەدى دەپۋتات.
"ادىرنا" ۇلتتىق پورتالى
