Ükımet otyrysynda "2027 deiın elımızdıŋ 20 qalasyna 5G internet jelısı tartylady" dep süiınşılegen Sifrlyq damu ministrı Baǧdat Musinge Mäjılıs deputaty Mädi Ahmet şüilıgıp, 5G tügılı qarapaiym internetke qol jetkıze almai otyrǧan eldı-mekender köp ekenın aitty, dep jazady "Adyrna" ūlttyq portaly.
Ministrge "etek-jeŋımızdı jinap alaiyq" degen Ahmetov 5G internet jelısıne köşpesten būryn äuelı auyl-aimaqtarǧa qarapaiym internet ornatyp alaiyqşy dedı.
"Sız byltyr ǧana kelıp, däl özıŋız osy baiandamany oqydyŋyz. Däl osy slaidtardy körsettıŋız. Bız ūsynym berdık. Bügın sol bır jyl būryn berılgen ūsynymdardyŋ qaisy oryndaldy, qaisy qabyldandy, qaisy qabyldanǧan joq ekenın aitqan joqsyz. Jyl saiyn ötkızemız. Jauyr bolǧan taqyryp. Ne qosylyp jatqan auyldar, audandar joq. Eldı-mekenderge şyqqan kezde halyq bükıl ökpe-naz, ötınışterın bızge jetkızedı. Qazır elorda maŋy tügılı özımızdıŋ Astananyŋ ışındegı JK-larda internet joq. Eşqaisysy qosyla almai otyr. Onyŋ barlyǧyn kündelıktı körıp, estıp otyrmyz. Al bız būl jerde joǧary tehnologiialar jaily söz etemız. Auyl tügılı Astananyŋ ışınde internettıŋ özı dūrys jūmys jasamai otyr. Ärine älemnen qalmauymyz kerek. Ortalyq Aziiada bırınşı boluymyz kerek. Bıraq statistikany, reitingtı quyp jüre bermei, auyldaǧy, audandaǧy eldı-mekenderdıŋ jaǧdaiyn jasap alyp bıraq jürgenımız dūrys şyǧar", - dedı deputat.
"Adyrna" ūlttyq portaly
Ūqsas jaŋalyqtar
