اۋعانستاننىڭ پاندجشەر پروۆينتسياسىندا جاعداي بارعان سايىن قيىنداپ بارادى. پاندجشەر جازىعىندا ورنالاسقان ەلدى مەكەندەردىڭ بارىندە اشتىق پەن الەۋمەتتىك توقىراۋ ورىن الىپ جاتىر. بىرنەشە اپتا بويى بايلانىس پەن كاممۋنيكاتسيالىق قىزمەتتىڭ ءبارى توقتاعان. بۇل جايىندا Al Jazeera ارنايى حابار تاراتتى.
سوڭعى اقپاراتتارعا سۇيەنسەك، اۋعانستاننىڭ پاندجشەر پروۆينتسياسىندا جەرگىلىكتى حالىق بوسىپ كەتكەن، انكلاۆتاردىڭ ءبارى قاڭىراپ قالعان. مۇنىڭ ءبارى تاليبان راديكالدى قوزعالىسى وزدەرىنىڭ جەرگىلىكتى وڭىرلەردە وزدەرىنىڭ باسقارۋ جۇيەسىن ورناتىپ، رەفورمالار جاسايمىز دەگەن قاتەلىكتەرىنەن تۋىنداعان.
ال، پروۆينتسيادان قاشىپ شىققان ادامدار كورشى پروۆينتسيالاردا قانداي جاعدايلار ورىن الىپ جاتقانىن بىلمەيدى. بايلانىس قۇرالدارى جۇمىس ىستەمەي تۇر. حالىقتىڭ جاعدايى وتە قيىن. ازىق-تۇلىك پەن گۋمانيتارلىق كومەك دۇرىس جەتكىزىلمەي وتىر. جەر جەرلەردىڭ بارىندە اشتىق اسقىنىپ بارادى. كەيبىر اقپارات كوزدەرىنىڭ ايتۋى بويىنشا، پاندجشەردە وتە قورقىنىشتى جاعدايلار ورىن العان. ونداعى جەرگىلىكتى تۇرعىندار وزدەرىنىڭ پروۆينتسياسىن "قارا تۇنەك" پەن "قارا ۇيىق" دەپ اتاۋعا كوشكەن، دەيدى Al Jazeera اقپاراتتىق ارناسى.
وسىنداي جاعدايلار ورىن العانىنا قاراماستان، پاندجشەرلىكتەر ازاتتىق جولىندا ءالى دە جان اياماي كۇرەسىپ جاتىر.
"ادىرنا" ۇلتتىق پورتالى
