"رەسەي پرەزيدەنتى ۆلاديمير پۋتين ۋكرايناداعى سوعىستى توقتاتامىن دەپ شەشىم قابىلداعان كەزدە عانا سوعىس توقتايدى. بىراق ول ەندى بۇل سوعىستا جەڭە المايدى". بۇل تۋرالى اقش پرەزيدەنتى دجو بايدەن ۆاشينگتوندا ۋكراينا پرەزيدەنتى ۆلاديمير زەلەنسكيمەن بىرلەسكەن ءباسپاسوز ءماسليحاتىندا ايتتى، دەپ جازادى "ادىرنا" ۇلتتىق پورتالى.
بايدەن شەتەلدىك كوشباسشىنى "جاۋ" دەپ ساناعانمەن، ونىمەن ديالوگ ورناتۋ حالىقارالىق ساياساتتىڭ نەگىزى بولىپ قالا بەرەتىنىن اتاپ ءوتتى.
"بۇل سوعىس پۋتين ۋكراينادان ءوز اسكەرىمدى شىعارامىن دەپ ايتقان كۇنى اياقتالۋى مۇمكىن", - دەدى اقش پرەزيدەنتى.
ونىڭ ايتۋىنشا، ۋكرايناداعى رەسەيلىكتەر ۇلكەن شىعىنعا ۇشىراپ جاتىر. پۋتين باتىس ەلدەرىنىڭ وداعى ناتو-نى كۇيرەتە الاتىنىنا سەندى. بىراق رف پرەزيدەنتى ونباي قاتەلەستى جانە ءوز قاتەلىگىن جالعاستىرۋدا، ول بۇل سوعىستا جەڭىسكە جەتە المايدى.
"پۋتين جەڭىلەدى، ول قازىردىڭ وزىندە جەڭىلىپ قالدى، ويتكەنى ول بۇكىل ۋكراينانى باسىپ الۋدىڭ جولى جوق ەكەنىن بىلەدى", - دەپ اتاپ ءوتتى بايدەن.
"ادىرنا" ۇلتتىق پورتالى
