"Reseı prezıdenti Vladımır Pýtın Ýkraınadaǵy soǵysty toqtatamyn dep sheshim qabyldaǵan kezde ǵana soǵys toqtaıdy. Biraq ol endi bul soǵysta jeńe almaıdy". Bul týraly AQSh prezıdenti Djo Baıden Vashıngtonda Ýkraına prezıdenti Vladımır Zelenskıımen birlesken baspasóz máslıhatynda aıtty, dep jazady "Adyrna" ulttyq portaly.
Baıden sheteldik kóshbasshyny "jaý" dep sanaǵanmen, onymen dıalog ornatý halyqaralyq saıasattyń negizi bolyp qala beretinin atap ótti.
"Bul soǵys Pýtın Ýkraınadan óz áskerimdi shyǵaramyn dep aıtqan kúni aıaqtalýy múmkin", - dedi AQSh prezıdenti.
Onyń aıtýynsha, Ýkraınadaǵy reseılikter úlken shyǵynǵa ushyrap jatyr. Pýtın Batys elderiniń Odaǵy NATO-ny kúırete alatynyna sendi. Biraq RF prezıdenti onbaı qatelesti jáne óz qateligin jalǵastyrýda, ol bul soǵysta jeńiske jete almaıdy.
"Pýtın jeńiledi, ol qazirdiń ózinde jeńilip qaldy, óıtkeni ol búkil Ýkraınany basyp alýdyń joly joq ekenin biledi", - dep atap ótti Baıden.
"Adyrna" ulttyq portaly
