“تۇماۋدىڭ 3 ءتۇرى ءجۇر”: اجار عينيات سۋپەرۆيرۋستان ساقتانۋ كەرەگىن ەسكەرتتى

5369
Adyrna.kz Telegram

دەنساۋلىق ساقتاۋ ءمينيسترى اجار عينيات قازاقستاندا قاۋىپتى ۆيرۋس تاراپ جاتقانىن جەتكىزدى، دەپ حابارلايدى “ادىرنا” ۇلتتىق پورتالى.

“قازىر قازاقستاندا كوروناۆيرۋستىڭ «وميكرون» شتامى بار. ونىڭ بىرنەشە ءتۇرى تىركەلدى. ۆيرۋس وزگەرىپ، قوعامدا ءومىر ءسۇرۋىن جالعاستىرۋدا. بۇگىندە ەلىمىزدە COVID-19-دىڭ «تسەربەر» شتامى دا بار. تۇماۋدىڭ 3 ءتۇرى دە، شوشقا تۇماۋى دا، ادەنوۆيرۋس تا تىركەلدى. ءبىز ينفەكتسيالاردىڭ ءبىر-بىرىنە قوسىلىپ جاتقانىن كورىپ وتىرمىز. سۋپەرينفەكتسيا – ۆيرۋستار ءبىر-بىرىنە قوسىلۋدا. وسىلايشا، ينفەكتسيالار اۋرۋدى اسقىندىرىپ جاتىر”، - دەدى مينيستر ءماجىلىستىڭ جالپى وتىرىسىنان سوڭ.

اجار عينيات بيىل ءوزى قازاندا تۇماۋ مەن كوروناۆيرۋسقا قارسى ەكپە العانىن اتاپ ءوتتى. سونداي-اق تۇرعىندارعا ءبىر-بىرىمەن كەزدەسكەندە، ۇشاققا وتىرعاندا ماسكا تاعىپ ءجۇرۋى كەرەكتىگىن جەتكىزدى.

پىكىرلەر