Májilis depýtaty Berik Dúısenbınov 12 jeltoqsandy Qazaqstanda «Alash kúni» dep resmı belgilep, memlekettik deńgeıde atap ótýdi usyndy. Ol depýtattyq saýalyn premer-mınıstr Álıhan Smaıylovqa joldady, dep habarlaıdy “Adyrna” ulttyq portaly.
«Bıyl Alash Respýblıkasynyń qurylǵanyna 105 jyl toldy. 29 maýsymda «Aq jol» frakııasy bul datany memlekettik deńgeıde atap ótýdi talap etken depýtattyq saýal joldaǵan. Alaıda Úkimet bul máseleni ókiletti mınıstrlikterge tapsyrǵany týraly júre jaýap berdi», - dedi Berik Dúısenbınov Májilistiń jalpy otyrysynda.
Depýtat Depýtat bul kúnin memlekettik deńgeıde atap ótýdi usyndy.
«Bul mereıli kúndi tek alashtanýshylar men bizdiń «Aq jol» partııasy ǵana túrli is-shara ótkizip, atap ótti. Búginde tarıhı ádildikti ornatatyn kún jetti dep sanaımyz. Qurmetti Álıhan Ashanuly! Tarıh taǵylymyn urpaqqa nasıhattaý maqsatynda «Aq jol» frakııasy alashtanýshy ǵalymdardyń bastamasyn qoldap, Táýelsizdik kúniniń qarsańyndaǵy 12 jeltoqsandy – tarıhı qujattarmen dáleldengen Alash Respýblıkasynyń qurylǵan kúni retinde «Alash kúni» dep resmı belgileýdi jáne jyl saıyn memlekettik deńgeıde atap ótýdi suraıdy», - dedi ol.
