انتيكور گۇلميرا ساتىبالدىعا قاتىستى كاسىپورىنداردىڭ قاتىسۋ ۇلەستەرىن زاڭسىز يەمدەنۋدىڭ، ونىڭ ىشىندە ادام ۇرلاۋمەن ۇشتاسقان ەكى فاكتىسى بويىنشا تەرگەۋدى اياقتادى، دەپ جازادى "ادىرنا" ۇلتتىق پورتالى.
سىبايلاس جەمقورلىققا قارسى ءىس-قيمىل اگەنتتىگىنىڭ حابارلاۋىنشا، جابىرلەنۋشىگە كەلتىرىلگەن زالال سوماسى 6,6 ملرد. تەڭگەدەن اسادى.
"بيىل 15 جەلتوقساندا قىلمىستىق ءىس ايىپتاۋ اكتىسىمەن بىرگە پروكۋراتۋراعا كۇدىكتىلەردى سوتقا بەرۋ تۋرالى ماسەلەنى شەشۋ ءۇشىن جىبەرىلدى. ساتىبالدى گ.، ونىڭ باقىلاۋىنداعى «اريا-جاڭا استانا» جشس كومپانياسىنىڭ باسشىلىعى جانە مەملەكەتتىك ورگانداردىڭ لاۋازىمدى تۇلعالارى وبەكتىلەردى سالۋعا بولىنگەن بيۋدجەت قاراجاتىن ۇرلادى دەپ كۇدىكتەلۋدە. تەرگەۋ ساتىسىندا مەملەكەتكە كەلتىرىلگەن زالال تولىعىمەن وتەلدى. وسى فاكت بويىنشا دا سوتقا دەيىنگى تەرگەۋ اياقتالىپ، ءىس كۇدىكتىلەر مەن ولاردىڭ ادۆوكاتتارىنا تانىسۋعا بەرىلدى. ساتىبالدى گ.-عا قاتىستى بيزنەستى باسىپ الۋدىڭ جانە زاڭسىز باس بوستاندىعىنان ايىرۋدىڭ باسقا ەپيزودتارى بويىنشا تەرگەۋ جالعاسۋدا", - دەلىنگەن رەسمي حابارلامادا.
"ادىرنا" ۇلتتىق پورتالى
