ايماق باسشىسى ماحامبەت دوسمۇحامبەتوۆتىڭ توراعالىعىمەن وتكەن كونفەرەنتسياعا ساياسي كەڭەس مۇشەلەرى، ءماسليحات دەپۋتاتتارى، جەرگىلىكتى اتقارۋشى ورگانداردىڭ باسشىلارى، باستاۋىش پارتيا ۇيىمدارىنىڭ توراعالارى مەن «Jas Otan» جاستار قاناتىنىڭ مۇشەلەرى قاتىستى.
كۇن تارتىبىندە «Nur Otan» پارتياسى اتىراۋ وبلىستىق فيليالى ساياسي كەڭەسى مەن باقىلاۋ-تەكسەرۋ كوميسسياسىنىڭ 2019-2020 جىلدارى اتقارعان جۇمىستارىنىڭ ەسەبى تىڭدالىپ، الداعى كەزەڭگە ارنالعان مىندەتتەرى قارالدى.
«ەلباسى باستاماسىمەن «Nur Otan» پارتياسى دا ۋاقىت تالابىنا ساي جاڭارۋ جولىنا ءتۇسىپ، جاڭا بەلەستەردى باعىندىرۋدا. پارتيانى قايتا جاڭعىرتۋ - بۇل قازىرگى زامانعى تالاپتارعا ناقتى جاۋاپ. بۇل بىرقاتار الەۋمەتتىك ماڭىزدى، قوعامدىق-ساياسي ماسەلەلەردى جەرگىلىكتى دەڭگەيدە شەشۋگە مۇمكىندىك بەردى. ەلباسى ۇسىنعان جاڭا مەحانيزم - بۇل ەل دامۋىنداعى كەزەكتى ناقتى قادام جانە پارتيانى حالىقپەن ءوزارا ءىس-قيمىلدىڭ جاڭا دەڭگەيىنە شىعاردى»،-دەگەن ءوڭىر باسشىسى سىندارلى ساتتەردە نۇروتاندىقتار ءاردايىم حالىقتىڭ جانىنان تابىلىپ، قيىن دا كۇردەلى مىندەتتەردى اتقارىپ كەلە جاتقانىن اتاپ ءوتتى.
سونىمەن قاتار، وبلىس اكىمى VI شاقىرىلىم ماسليحاتتارداعى دەپۋتاتتىق فراكتسيالاردىڭ 151 ءماجىلىسى ءوتىپ، وندا 340 ماسەلە قارالىپ، 270 ۇسىنىس مەملەكەتتىك ورگاندارعا جولدانعانىنا توقتالدى. وعان قوسا، سوڭعى ەكى جىلدا 3 مىڭنان اسا ءىس-شارالار مەن دەپۋتاتتىق فراكتسيانىڭ مۇشەلەرى 706 قوعامدىق قابىلداۋ وتكىزگەن.
فيليال توراعاسىنىڭ ايتۋىنشا، پارتيا بىلتىرعى وتكىزىلگەن پرايمەريز ىرىكتەۋ جۇمىستارىندا بەلسەندى ءرول اتقارعان.
«اتىراۋ وبلىسى بويىنشا پارتياىشىلىك ىرىكتەۋ - پرايمەريزگە 408 ادام ۇسىنىلىپ، ونىڭ 404-ءى كانديدات رەتىندە تىركەلدى. داۋىس بەرۋ قورىتىندىسى بويىنشا ءوڭىر پارتيا مۇشەلەرى جوعارى ساياسي بەلسەندىلىك تانىتىپ، اتىراۋ وبلىسىنىڭ 22 مىڭنان اسا پارتيا مۇشەسى نەمەسە 94,4 پايىزى داۋىس بەردى، بۇل رەسپۋبليكا بويىنشا ءبىرىنشى كورسەتكىش»،-دەدى ماحامبەت دوسمۇحامبەتوۆ.
سونداي-اق، كەزدەسۋدە اعىمداعى جىلى سايلانعان ورگانداردىڭ وكىلەتتىك مەرزىمدەرى اياقتالۋىنا بايلانىستى، اتىراۋ وبلىستىق پارتيا فيليالى ساياسي كەڭەسىنىڭ 31 ادامنان تۇراتىن قۇرامى مەن باقىلاۋ-تەكسەرۋ كوميسسياسىنىڭ جاڭا قۇرامى بەكىتىلدى.
جيىن سوڭىندا فيليال توراعاسى الداعى جۇمىستى ءتيىمدى قامتاماسىز ەتۋ ءۇشىن «وزگەرىستەر جولى: ءار ازاماتقا لايىقتى ءومىر!» اتتى 2021-2025 جىلدارعا ارنالعان سايلاۋالدى باعدارلاماسىنىڭ ورىندالىسىن باقىلاۋعا الۋدى تاپسىردى. وعان قوسا، دەپۋتاتتىق فراكتسياسىنىڭ مۇشەلەرى بارلىق الەۋمەتتىك توپتارمەن كەرى بايلانىستى نىعايتۋدى، ساياسي جانە يدەولوگيالىق جۇمىستاردى ودان ءارى جەتىلدىرۋدى مىندەتتەدى.
ايتا كەتۋ كەرەك، بۇگىنگى كۇنى وبلىستىق فيليالدا 108 باستاۋىش پارتيا ۇيىمىنا بىرىككەن 24 مىڭعا جۋىق پارتيا مۇشەلەرى بار.
