Antıkor Gúlmıra Satybaldyǵa qatysty kásiporyndardyń qatysý úlesterin zańsyz ıemdenýdiń, onyń ishinde adam urlaýmen ushtasqan eki faktisi boıynsha tergeýdi aıaqtady, dep jazady "Adyrna" ulttyq portaly.
Sybaılas jemqorlyqqa qarsy is-qımyl agenttiginiń habarlaýynsha, jábirlenýshige keltirilgen zalal somasy 6,6 mlrd. teńgeden asady.
"Bıyl 15 jeltoqsanda qylmystyq is aıyptaý aktisimen birge prokýratýraǵa kúdiktilerdi sotqa berý týraly máseleni sheshý úshin jiberildi. Satybaldy G., onyń baqylaýyndaǵy «Arııa-Jańa Astana» JShS kompanııasynyń basshylyǵy jáne memlekettik organdardyń laýazymdy tulǵalary obektilerdi salýǵa bólingen bıýdjet qarajatyn urlady dep kúdiktelýde. Tergeý satysynda memleketke keltirilgen zalal tolyǵymen óteldi. Osy fakt boıynsha da sotqa deıingi tergeý aıaqtalyp, is kúdiktiler men olardyń advokattaryna tanysýǵa berildi. Satybaldy G.-ǵa qatysty bıznesti basyp alýdyń jáne zańsyz bas bostandyǵynan aıyrýdyń basqa epızodtary boıynsha tergeý jalǵasýda", - delingen resmı habarlamada.
"Adyrna" ulttyq portaly
