پرەزيدەنتتىككە كانديدات قاسىم-جومارت توقاەۆتى قولداۋ جونىندەگى رەسپۋبليكالىق قوعامدىق شتابتىڭ مۇشەلەرى اقتوبە وبلىسىنىڭ تۇرعىندارىمەن بىرقاتار كەزدەسۋ وتكىزدى، دەپ جازادى "ادىرنا" ۇلتتىق پورتالى.
اقتوبە رەلس-ارقالىق زاۋىتىنىڭ ەڭبەك ۇجىمىمەن كەزدەسۋدە كانديداتتىڭ سايلاۋ الدىنداعى باعدارلاماسىندا كورسەتىلگەن ەل ونەركاسىبىن دامىتۋعا ارنالعان شارالار تالقىلاندى.
رەسپۋبليكالىق قوعامدىق شتاب دەلەگاتسياسىنىڭ باسشىسى ماۋلەن اشىمباەۆ ەل ىشىندە ءتيىمدى يندۋستريالىق تىزبەك قۇرىلاتىنىن، وڭدەۋ ونەركاسىبىنىڭ ءوسۋ قارقىنى كۇشەيەتىنىن جانە ونىمدىلىك پەن باسەكەگە قابىلەتتىلىكتى ارتتىرۋ ءۇشىن جۇمىس ىستەپ تۇرعان كاسىپورىندار جاڭعىرتىلاتىنىن اتاپ ءوتتى.
«قاسىم-جومارت كەمەلۇلى توقاەۆ ەكونوميكا سالاسىندا وڭدەۋ سەكتورىن نىعايتۋدى ءبىرىنشى كەزەكتەگى مىندەت رەتىندە بەلگىلەدى. وندىرىستەردى قولداۋعا، جوعارى ساپالى ونىمدەر شىعارۋعا باسىمدىق بەرىلەدى. «مەملەكەتتىك ساتىپ الۋ تۋرالى» جاڭا زاڭ قابىلدانادى. وندا ساپانىڭ ەڭ تومەنگى باعادان باسىم بولاتىنى جانە ساتىپ الۋلاردا يمپورتقا قاراعاندا قازاقستاندىق ونىمدەرگە باسىمدىق بەرىلەتىنى بەكىتىلەدى. الداعى جەتى جىلدا ەل ەكونوميكاسىنا 150 ملرد دوللار شەتەلدىك ينۆەستيتسيا تارتىلادى. ينفراقۇرىلىمدى اۋقىمدى تۇردە جاڭعىرتۋ جۇمىسى جۇرگىزىلەدى. وسىلايشا، سىزدەردە تۇراقتى جۇمىس جانە وسىنداي كاسىپورىندارعا تاپسىرىستار بولۋى ءۇشىن ەل ەكونوميكاسى قارقىندى دامي بەرەدى»، – دەدى ماۋلەن اشىمباەۆ.
سونىمەن قاتار ءىرى مۇناي-گاز جوبالارىن دامىتۋعا ارنالعان ۇزاق مەرزىمدى جوسپار ازىرلەنەدى، ەكونوميكانى مونوپولياسىزداندىرۋ جالعاسادى، مونوپوليستەرگە باقىلاۋ جانە باسەكەلەستىكتى قورعاۋ كۇشەيتىلەدى.
رقش مۇشەلەرى اقتوبە وبلىسىنىڭ جۇرتشىلىعىمەن كەزدەسۋدە سايلاۋ الدىنداعى باعدارلامانىڭ وڭىرلىك ينفراقۇرىلىمدى جاقسارتۋ جانە جۇمىس ورىندارىن اشۋ ماسەلەلەرىنە ارنالعان باعىتتارىنا نازار اۋداردى.
شتاب دەلەگاتسياسى قالاداعى ورتالىق ستاديوندا «اقتوبە» فۋتبول كلۋبىنىڭ ويىنشىلارىمەن كەزدەستى. وندا كانديداتتىڭ كاسىبي سپورتتى دامىتۋدى جانە سالاماتتى ءومىر سالتىن دارىپتەۋدى كوزدەيتىن باسىمدىقتارى ءسوز بولدى.
ق.جۇبانوۆ اتىنداعى ۋنيۆەرسيتەتتە جوعارى وقۋ ورنىنىڭ عالىمدارىمەن جانە وقىتۋشى-پروفەسسورلار قۇرامىمەن كەزدەسۋ ءوتتى. كەزدەسۋدە سايلاۋ الدىنداعى باعدارلاماداعى عىلىمدى قولداۋعا ارنالعان ناقتى شارالار تالقىلاندى.
بۇل باعىتتا الداعى 7 جىلدا قولدانبالى عىلىمدى قارجىلاندىرۋدى كەزەڭ-كەزەڭىمەن ۇلعايتۋ، عىلىمي ناتيجەلەردى كوممەرتسيالاندىرۋ ءۇشىن جاعداي جاساۋ، جەتەكشى جوعارى وقۋ ورىندارى مەن ءىرى كاسىپورىنداردىڭ جانىنان مامانداندىرىلعان ينجينيرينگتىك ورتالىقتار قالىپتاستىرۋ جوسپارلانىپ وتىر.
دايىنداعان: رەسپۋبليكالىق قوعامدىق شتاب
استانا قالاسى، قوناەۆ 12/1.
تاپسىرىس بەرۋشى: م.ج. وسپانوۆ.
قازاقستان رەسپۋبليكاسى پرەزيدەنتتىگىنە ۇمىتكەر ق.ك.توقاەۆتىڭ سايلاۋ قورىنان تولەندى.
