پرەزيدەنت تەك قانا Forbes-تاعى جىگىتتەرمەن ەمەس، مەملەكەت مۇددەسىن ويلايتىن ازاماتتارمەن كەزدەسۋى كەرەك - جاڭبىرشين

2852
Adyrna.kz Telegram
فوتو: ۆيدەودان الىندى
فوتو: ۆيدەودان الىندى

پرەزيدەنت تەك قانا Forbes-تاعى جىگىتتەرمەن ەمەس، مەملەكەت مۇددەسىن ويلايتىن ازاماتتارمەن كەزدەسۋى كەرەك. بۇل پىكىردى دەپۋتات ەدىل جاڭبىرشين جۋرناليست نارتاي ارالبايۇلىنا بەرگەن سۇحباتىندا ايتتى، دەپ حابارلايدى “ادىرنا” ۇلتتىق پورتالى.

“پرەزيدەنتتىڭ تاپسىرماسىن كۇن-ءتۇنى جۇمىس جاساپ، سوعان مۇددەلى بولىپ، ەشقانداي كلانداردىڭ، توپتاردىڭ قىزىعۋشىلىعىن ەمەس، مەملەكەتتىڭ مۇددەسىن ءبىرىنشى كەزەككە قوياتىن، سونداي مامانداردى، بىلىكتى مەنەدجەرلەردى قويىپ، جۇمىس جاساتۋىمىز كەرەك.

مەنىڭ جاراتپايتىنىم: “19 ملن ادامنىڭ ىشىندە سونداي ادام بار ما؟” دەگەن. ول كادرلاردىڭ ايتىپ جۇرگەن اڭگىمەسى. “بىزدەن باسقا ەشكىم جوق” دەپ. ولاردان باسقا ادامدار بار. تەك ولار ەمەس قايماعى قازاقتىڭ. سەندەر ولاردى پرەزيدەنتتىڭ ماڭىنا جولاتپاي باسىپ وتىرسىڭدار! نەگە؟ سەبەبى، “وزىمىزدەن اسىپ كەتەدى، وزىمىزدەن جاقسى يدەيالاردى بەرىپ قويادى. ول تەك قانا ءبىز ارقىلى ءوتۋ كەرەك” دەيتىندەر بولمايدى.

پرەزيدەنتكە كانالدىڭ ءبارىن اشۋىمىز كەرەك. پرەزيدەنت بارلىق ماماندارمەن، عالىمدارمەن، باسى جاسايتىن مەنەدجەرلەرمەن كەزدەسۋى كەرەك. پرەزيدەنت تەك قانا ءوز بيزنەسىن ويلايتىن Forbes-تاعى جىگىتتەرمەن ەمەس، مەملەكەت مۇددەسىن ويلايتىن ازاماتتارمەن كەزدەسۋى كەرەك”،- دەدى ول.

پىكىرلەر