Ündıstandyq milliarder Mittalǧa tiesılı «ArselorMittal Temırtau» memleketke qaitarylady. Būl turaly Nege.kz habarlady, dep jazady "Adyrna" ūlttyq portaly.
"Ükımet qabyrǧasynda «Arselor Mittal Temırtau» aksionerlık qoǧamynyŋ jūmysyn toqtatyp, nasionalizasiia prosessın bastau ideiasy talqylanuda. Ol boiynşa Ädılet ministrlıgı özınıŋ saraptamasyn beruı tiıs. Sebebı, Mittaldyŋ bızben halyqaralyq arbitrajda sottasatyny aidan anyq", - delıngen habarlamada.Odan bölek, «Arselor Mittal Temırtau» AQ bas direktory, ündı azamaty Bidju Nairdyŋ üstınen qylmystyq ıs qozǧau mümkındıgı qarastyrylyp jatyr.
"QR Qylmystyq Kodeksınıŋ 254-baby boiynşa,kommersiialyq nemese özge de ūiymda basqaru funksiialaryn oryndaityn adamnyŋ öz qyzmetine adal qaramauy nemese ūqypsyz qarauy saldarynan öz mindetterin oryndamauy nemese tiısınşe oryndamauy, eger būl adam ölimine nemese özge de auyr zardaptarǧa äkep soqsa, belgili bir lauzymdardy atqaru nemese belgili bir qyzmetpen ainalysu qūqyǧynan üş jylǧa deiingi merzimge aiyra otyryp nemese onsyz, bes jylǧa deiingi merzimge bas bostandyǧyn şekteuge ne sol merzimge bas bostandyǧynan aiyruǧa jazalanady. Bidju Nair «Arselor Mittal Temırtaudy» basqaryp otyrǧan 2020 jyldan berı 14 adam öldı. Jyl saiyn tūraqty türde 4-5 adam apatty jaǧdaidyŋ saldarynan qaitys bolady. Jäne ol tıkelei kompaniia basşysynyŋ kınäsı", - delıngen basylym taratqan aqparatta.
"Adyrna" ūlttyq portaly
Ūqsas jaŋalyqtar
