پۋتين رەسەي ارمياسىنىڭ بەدەلىن ءتۇسىرىپ، حالىقتى اۋماقتىق تۇتاستىقتى بۇزۋعا شاقىرعان ادامداردى رف ازاماتتىعىنان ايىرۋدى ۇسىندى، دەپ جازادى "ادىرنا" ۇلتتىق پورتالى.
پۋتين كەلەسى سەبەپتەر بويىنشا ولاردى ازاماتتىقتان ايىرۋدى ۇسىنىپ وتىر:
- ارميانىڭ بەدەلىن ءتۇسىرۋ;
- قالاۋسىز ۇيىمنىڭ قىزمەتىن جۇزەگە اسىرۋ;
- ارميا تۋرالى جالعان اقپارات تاراتۋ;
- اۋماقتىق تۇتاستىقتى بۇزۋعا شاقىرۋ;
- ەكسترەميزمگە شاقىرۋ;
- مەملەكەت قايراتكەرىنىڭ ومىرىنە قول سۇعۋ;
- قارۋلى كوتەرىلىستى ۇيىمداستىرۋ;
- مەملەكەتتىك ەلتاڭبا مەن تۋدى قورلاۋ;
- قاراقشىلىق، توناۋ، پارا الۋ، بۇزاقىلىق جانە باسقالارى.
ايتا كەتەيىك، زاڭ جوباسىنىڭ ءبىرىنشى وقىلىمى ساۋىردە وتكەن. ول كەزدە مەملەكەتكە قارسى اۋىر قىلمىستار، تەرروريستىك قىزمەت، ەسىرتكىنىڭ زاڭسىز اينالىمى جانە جالعان قۇجات جاساعانى ءۇشىن، سونداي-اق ازاماتتىڭ ءوز ەركى بويىنشا ازاماتتىقتان ايىرۋ كوزدەلدى. ساۋىر ايىندا مەملەكەتتىك دۋما سپيكەرى ۆياچەسلاۆ ۆولودين رەسەيدىڭ ۋكرايناداعى ارەكەتتەرىن سىنايتىن رەسەيلىكتەردى ازاماتتىقتان ايىرۋدى جانە ەلگە كىرۋگە تىيىم سالۋدى ۇسىنعان بولاتىن.
"ادىرنا" ۇلتتىق پورتالى
