وزدەرىڭىز بىلەسىزدەر، جاقىندا جىل ادامى بولعان ۆلاديمير زەلەنسكي ماسكەۋدەن باسقارىلاتىن ورىس پراۆوسلاۆيە پاتريارحاتىنىڭ ۋكراين پراۆوسلاۆيە شىركەۋىنىڭ (UPC MP) قىزمەتىنە ارالاسۋىنا تىيىم سالدى.
مەن مۇنى وتە دۇرىس شەشىم جانە ءبىزدىڭ ەلدە دە رەسەي ارقىلى ءدىني قىزمەت جۇرگىزەتىن پراۆوسلاۆيەلىك شىركەۋلەردىڭ ماسكەۋمەن بايلانىسىن قۇزىرلى ورگاندار مۇقيات-ءجىتى تەكسەرۋ كەرەك دەپ ويلايمىن.
ءبىزدىڭ ەلىمىزدەگى پراۆوسلاۆتاردىڭ ءدىني بىرلەستىگى قازاقستاننىڭ پراۆوسلاۆيە شىركەۋى (پتسك) نەمەسە قازاقستان رەسپۋبليكاسىنداعى ميتروپوليتتىك وكرۋگ دەپ اتالادى. ياعني، بۇل ءدىني ۇيىم ماسكەۋدە ورنالاسقان ورىس پراۆوسلاۆيە شىركەۋىنىڭ "وكرۋگى" عانا بولىپ ەسەپتەلەدى.
سوندىقتان دا قازاقستان رەسپۋبليكاسىندا پراۆوسلاۆيە حريستياندارىنىڭ ءدىني بىرلەستىگى ماسكەۋدەن كەلگەن ديرەكتيۆالارعا سايكەس جۇمىس ىستەيتىنىن تەز ارادا انىقتاۋ قاجەت..
2011 جىلعى ء"دىني قىزمەت جانە ءدىني بىرلەستىكتەر تۋرالى" زاڭنىڭ كىرىسپەسىندە ءبىزدىڭ مەملەكەتىمىز "حالىقتىڭ مادەنيەتى مەن رۋحاني ءومىرىن دامىتۋداعى پراۆوسلاۆيەلىك حريستياندىقتىڭ تاريحي زور ءرولىن" مويىندايدى دەلىنگەن...
ەگەر پراۆوسلاۆيەلىك حريستيان ءدىنىنىڭ ءرولى- ءبىزدىڭ ەلىمىز ءۇشىن سونشالىقتى ماڭىزدى بولسا، وندا نەلىكتەن قازاقستان پراۆوسلاۆيە شىركەۋى رەسمي ماسكەۋدەن باسقارىلۋى ءتيىس؟!
نەمەسە ماسكەۋگە باعىنىشتى قازاقستان پراۆوسلاۆيە شىركەۋى - حالقىمىزدىڭ مادەنيەتى مەن رۋحاني ءومىرىن دامىتۋدا قالايشا ماڭىزدى ءرول اتقارادى؟!
ايتپاقشى اتالمىش ءىس-ارەكەت ەگەمەن ەلدىڭ ىشكى ساياسي قۇرىلىمىنا تىكەلەي ارالاسۋ ەمەس پە؟!
ونىڭ ۇستىنە پوپ-دىنشىلدەردىڭ ورتاسىندا رەسەي ارناۋلى قىزمەتىنىڭ تىڭشىلارى كوپ ەكەنىن ەسكەرسەك،قازاقستانعا "وكرۋگ"تۇرىندەگى مۇنداي پەريفەريالىق قاتىناس ءتۇبى جاقسىلىققا اپارمايتىنى ايتپاسا دا تۇسىنىكتى..
مەنىڭشە، قازاقستان تەز ارادا پراۆوسلاۆيە شىركەۋىنىڭ ازات ۋكراينا سەكىلدى اۆتوكەفاليا الۋى مەن ءبىزدىڭ ەلىمىزدە ءوز ورتالىعى بار تاۋەلسىز جەرگىلىكتى شىركەۋ بولۋى كەرەك..
بۇل جاعدايدا پتسك مەن رپتس-نىڭ ستاتۋسى تەڭ دارەجەدە تەڭەسەدى، ال قازىر ءبىرىنشىسى تەك ەكىنشىسىنىڭ فيليالى دەسەك بولادى.
سول ءۇشىن قازاقستان تاۋەلسىز ۋكراين شىركەۋى سياقتى ستامبۋلدا ورنالاسقان پاتريارح بارتولومەيگە قارايتىن،ياعني "توموس' تالاپ ەتىپ، قازاقستان پراۆوسلاۆيە شىركەۋى ءوز الدىنا اۆتوكەفاليا ياكي اۆتونوميا تۋرالى سۇراۋ سالۋىن قۇپتار ەدىم.
