Ózderińiz bilesizder, jaqynda jyl adamy bolǵan Vladımır Zelenskıı Máskeýden basqarylatyn orys pravoslavıe patrıarhatynyń ýkraın pravoslavıe shirkeýiniń (UPC MP) qyzmetine aralasýyna tyıym saldy.
Men muny óte durys sheshim jáne bizdiń elde de Reseı arqyly dinı qyzmet júrgizetin pravoslavıelik shirkeýlerdiń Máskeýmen baılanysyn quzyrly organdar muqııat-jiti tekserý kerek dep oılaımyn.
Bizdiń elimizdegi pravoslavtardyń dinı birlestigi Qazaqstannyń Pravoslavıe Shirkeýi (PK) nemese Qazaqstan Respýblıkasyndaǵy Mıtropolıttik okrýg dep atalady. Iaǵnı, bul dinı uıym Máskeýde ornalasqan Orys Pravoslavıe Shirkeýiniń "okrýgi" ǵana bolyp esepteledi.
Sondyqtan da Qazaqstan Respýblıkasynda pravoslavıe hrıstıandarynyń dinı birlestigi Máskeýden kelgen dırektıvalarǵa sáıkes jumys isteıtinin tez arada anyqtaý qajet..
2011 jylǵy "Dinı qyzmet jáne dinı birlestikter týraly" zańnyń kirispesinde bizdiń memleketimiz "halyqtyń mádenıeti men rýhanı ómirin damytýdaǵy pravoslavıelik hrıstıandyqtyń tarıhı zor rólin" moıyndaıdy delingen...
Eger pravoslavıelik hrıstıan dininiń róli- bizdiń elimiz úshin sonshalyqty mańyzdy bolsa, onda nelikten Qazaqstan Pravoslavıe Shirkeýi resmı Máskeýden basqarylýy tıis?!
Nemese Máskeýge baǵynyshty Qazaqstan Pravoslavıe Shirkeýi - halqymyzdyń mádenıeti men rýhanı ómirin damytýda qalaısha mańyzdy ról atqarady?!
Aıtpaqshy atalmysh is-áreket egemen eldiń ishki saıası qurylymyna tikeleı aralasý emes pe?!
Onyń ústine pop-dinshilderdiń ortasynda Reseı arnaýly qyzmetiniń tyńshylary kóp ekenin eskersek,Qazaqstanǵa "okrýg"túrindegi mundaı perıferııalyq qatynas túbi jaqsylyqqa aparmaıtyny aıtpasa da túsinikti..
Menińshe, Qazaqstan tez arada Pravoslavıe Shirkeýiniń azat Ýkraına sekildi avtokefalııa alýy men bizdiń elimizde óz ortalyǵy bar táýelsiz jergilikti shirkeý bolýy kerek..
Bul jaǵdaıda PK men RP-nyń statýsy teń dárejede teńesedi, al qazir birinshisi tek ekinshisiniń fılıaly desek bolady.
Sol úshin Qazaqstan táýelsiz Ýkraın shirkeýi sııaqty Stambýlda ornalasqan Patrıarh Bartolomeıge qaraıtyn,ıaǵnı "TOMOS' talap etip, Qazaqstan Pravoslavıe Shirkeýi óz aldyna avtokefalııa ıakı avtonomııa týraly suraý salýyn quptar edim.
