قازاقستان رەسپۋبليكاسىنىڭ پارلامەنتى بىرقاتار زاڭنامالارعا تۇزەتۋلەر ەنگىزدى. اتاپ ايتقاندا، جاستار ساياساتىنا، الەۋمەتتىك قامسىزداندىرۋ ماسەلەلەرىنە نازار اۋدارىلدى. سونىمەن قاتار، ايەلدەر 61 جاستان باستاپ زەينەتكە شىعاتىن بولدى، دەپ جازدى "ادىرنا" ۇلتتىق پورتالى.
قر اقپارات جانە الەۋمەتتىك دامۋ ءمينيسترى دارحان قىدىرالىنىڭ ايتۋىنشا، زاڭ جوباسى جاستار ساياساتى باعىتىن جەتىلدىرۋگە، قوعامدىق قاتىناستاردى كەشەندى رەتتەۋدىڭ وڭتايلى قۇقىقتىق نەگىزىن قالىپتاستىرۋعا، حالىقتى جۇمىسپەن قامتۋعا جانە جاستاردى جۇمىسپەن قامتۋعا قاجەتتى مۇمكىندىكتەر جاساۋعا باعىتتالعان.
"زاڭ جوباسى شەڭبەرىندە جاستار ۇعىمىنىڭ جاس شەگىن 29-دان 35-كە دەيىن ۇلعايتۋ جونىندە تۇزەتۋ ەنگىزىلدى، بۇل جاستاردىڭ الەۋمەتتىك بەلسەندىلىگىن ارتتىرۋعا اسەر بەرەدى. جاستارعا تۇرعىن ءۇيدى جەڭىلدىكپەن جالعا بەرۋ جونىندەگى باعدارلامانى ازىرلەۋ جانە ىسكە اسىرۋ بويىنشا جەرگىلىكتى تقارۋشى ورگانداردىڭ قۇزىرەتىن كەڭەيتۋگە نەنىزدەلگەن تۇزەتۋلەر كوزدەلگەن", - دەدى دارحان قىدىرالى.
سونىمەن قاتار، زاڭ شەڭبەرىندە مەملەكەت باسشىسىنىڭ جولداۋىن (2022 جىلعى 1 قىركۇيەكتەگى) ىسكە اسىرۋ الەۋمەتتىك ءتۇيىندى شەشەتىن مىنانداي تۇزەتۋلەر ەنگىزىلدى:
- بالا كۇتىمىنە بايلانىستى جاردەماقى بالا 1,5 جاسقا تولعانعا دەيىن تولەۋ;
- ەڭ تومەنگى بازالىق زەينەتاقى مولشەرىن ەڭ تومەنگى كۇنكورىس دەڭگەيىنەن 70%-عا دەيىن، ال ەڭ جوعارى بازالىق زەينەتاقى مولشەرىن 120%-عا دەيىن جەتكىزۋ;
- ايەلدەردىڭ زەينەتكە شىعۋ جاسىن 2028 جىلعا دەيىن 61 دەپ بەكىتۋ;
- جاسىنا بايلانىستى زەينەتاقى تولەمدەرىن ەسەپتەۋ ءۇشىن تابىس شەگىن 46 ەسەلەنگەن ايلىق ەسەپتىك كورسەتكىشتەن 55 ەسەلەنگەن ايلىق ەسەپتىك كورسەتكىشكە دەيىن ۇلعايتۋ.
"ادىرنا" ۇلتتىق پورتالى
