Qazaqstan Respublikasynyŋ Parlamentı bırqatar zaŋnamalarǧa tüzetuler engızdı. Atap aitqanda, jastar saiasatyna, äleumettık qamsyzdandyru mäselelerıne nazar audaryldy. Sonymen qatar, äielder 61 jastan bastap zeinetke şyǧatyn boldy, dep jazdy "Adyrna" ūlttyq portaly.
QR Aqparat jäne äleumettık damu ministrı Darhan Qydyrälınıŋ aituynşa, zaŋ jobasy jastar saiasaty baǧytyn jetıldıruge, qoǧamdyq qatynastardy keşendı retteudıŋ oŋtaily qūqyqtyq negızın qalyptastyruǧa, halyqty jūmyspen qamtuǧa jäne jastardy jūmyspen qamtuǧa qajettı mümkındıkter jasauǧa baǧyttalǧan.
"Zaŋ jobasy şeŋberınde jastar ūǧymynyŋ jas şegın 29-dan 35-ke deiın ūlǧaitu jönınde tüzetu engızıldı, būl jastardyŋ äleumettık belsendılıgın arttyruǧa äser beredı. Jastarǧa tūrǧyn üidı jeŋıldıkpen jalǧa beru jönındegı baǧdarlamany äzırleu jäne ıske asyru boiynşa jergılıktı tqaruşy organdardyŋ qūzyretın keŋeituge nenızdelgen tüzetuler közdelgen", - dedı Darhan Qydyrälı.Sonymen qatar, zaŋ şeŋberınde memleket basşysynyŋ Joldauyn (2022 jylǧy 1 qyrküiektegı) ıske asyru äleumettık tüiındı şeşetın mynandai tüzetuler engızıldı:
- bala kütımıne bailanysty järdemaqy bala 1,5 jasqa tolǧanǧa deiın töleu;
- eŋ tömengı bazalyq zeinetaqy mölşerın eŋ tömengı künkörıs deŋgeiınen 70%-ǧa deiın, al eŋ joǧary bazalyq zeinetaqy mölşerın 120%-ǧa deiın jetkızu;
- äielderdıŋ zeinetke şyǧu jasyn 2028 jylǧa deiın 61 dep bekıtu;
- jasyna bailanysty zeinetaqy tölemderın esepteu üşın tabys şegın 46 eselengen ailyq eseptık körsetkışten 55 eselengen ailyq eseptık körsetkışke deiın ūlǧaitu.
"Adyrna" ūlttyq portaly
Ūqsas jaŋalyqtar
