بيىل تۇرعىلىقتى جەرى بويىنشا تىركەۋسىز تۇرعان 270 مىڭنان استام ادام جاۋاپقا تارتىلدى. بۇل تۋرالى دەپۋتاتتىڭ ساۋالىنا بەرگەن جاۋابىندا قر ىشكى ىستەر ءمينيسترىنىڭ ءبىرىنشى ورىنباسارى مارات قوجاەۆ ايتتى، دەپ حابارلايد “ادىرنا” ۇلتتىق پورتالى.
ونىڭ سوزىنە قاراعاندا، ەلىمىزدىڭ بارلىق وڭىرلەرىندەگى اۋماقتىق ىشكى ىستەر ورگاندارى جەدەل پروفيلاكتيكالىق شارالاردى جۇرگىزە وتىرىپ، ىشكى كوشى-قونعا باقىلاۋدى كۇشەيتۋ جونىندەگى جۇمىستاردى اتقارىپ جاتىر.
2022 جىلى وتكىزىلگەن ءىس-شارالاردىڭ ناتيجەلەرى بويىنشا تۇرعىلىقتى جەرى بويىنشا تىركەۋسىز تۇرعانى ءۇشىن جالپى ەل بويىنشا 272,5 مىڭعا جۋىق ادام اكىمشىلىك جاۋاپكەرشىلىككە تارتىلدى.
سونىمەن قاتار شىن مانىندە تۇرمايتىن ادامداردى تىركەگەن جانە ءتيىستى تىركەۋسىز تۇرۋعا رۇقسات بەرگەن 2,9 مىڭ تۇرعىن ءۇي يەسى انىقتالدى. ول شەتەل ازاماتتارىن كوشى-قون زاڭناماسىنا ساي تىركەۋ ماسەلەسىنە توقتالدى.
"ۋچاسكە" جالپى رەسپۋبليكالىق جەدەل-پروفيلاكتيكالىق ءىس-شاراسىن وتكىزۋ اياسىندا شەتەل ازاماتتارى تۇرىپ جاتقان جەرلەر تەكسەرىلگەن.
