ەگەمەندىك تويى تويلاندى

649
Adyrna.kz Telegram

ەلىمىزدىڭ ەگەمەندىك تويىن مەگاپوليس جۇرتشىلىعى ەرەكشە اتاپ ءوتىپ جاتىر. قالاداعى بارلىق الاڭدار مەن ورتالىقتاردا مەرەكەلىك ءىس-شارالار ۇيىمداستىرىلدى.

«اربات» الاڭىندا شىمكەنت قالالىق مادەنيەت باسقارماسىنا قاراستى مۋزەي، كىتاپحانا، تەاتر ۇجىمدارى رەسپۋبليكا كۇنىنە وراي ۇيىمداستىرىلعان كورمەگە قاتىسىپ، تاقىرىپتىق كورنەكىلىكتەرىن قالىڭ كوپشىلىككە تانىستىردى.

— رەسپۋبليكا كۇنى بيىل ۇلتتىق مەرەكە مارتەبەسىن الىپ، ەرەكشە اتالىپ وتىر. بۇگىن شىمكەنت قالالىق ساياسي قۋعىن-سۇرگىن قۇرباندارى مۋزەيىنىڭ ماماندارى قۇندى قۇجاتتار مەن دەرەكتەرىمىزدى كورمەگە اكەلىپ وتىرمىز.ونىڭ ىشىندە مۋزەيدىڭ باستاماسىمەن جارىققا شىققان «اق جول»،«شولپان» ەڭبەكتەرى بار. ۇلتتىق مەرەكەنىڭ ۇلىقتالىپ، حالىقتىق تويعا اينالعانى قۋانتادى. بارشا شىمكەنتتىكتەردى مەرەكەمەن قۇتتىقتايمىن،- دەيدى بۇقارا حالىقپەن جۇمىس جۇرگىزۋ ءبولىمىنىڭ مامانى زابيرا مۇراتبەكوۆا.

سالتاناتتى جيىندا شىمكەنت قالالىق مادەنيەت ءۇيىنىڭ ونەرپازدارى اننەن شاشۋ شاشتى. بىلەكتى ازاماتتار قول كۇرەسىپ، مىقتىلارى قوشقار كوتەرىپ، ءوز باقتارىن سىنادى. ال، جاسوسپىرىمدەر اسىق وينادى. قالا ءدامحانالارى مەن كونديتەرلىك ۇيلەرى ءوز دامدەرىن ۇسىندى.

 

پىكىرلەر