Egemendik toıy toılandy

646
Adyrna.kz Telegram

Elimizdiń egemendik toıyn megapolıs jurtshylyǵy erekshe atap ótip jatyr. Qaladaǵy barlyq alańdar men ortalyqtarda merekelik is-sharalar uıymdastyryldy.

«Arbat» alańynda Shymkent qalalyq Mádenıet basqarmasyna qarasty mýzeı, kitaphana, teatr ujymdary Respýblıka kúnine oraı uıymdastyrylǵan kórmege qatysyp, taqyryptyq kórnekilikterin qalyń kópshilikke tanystyrdy.

— Respýblıka kúni bıyl ulttyq mereke mártebesin alyp, erekshe atalyp otyr. Búgin Shymkent qalalyq saıası qýǵyn-súrgin qurbandary mýzeıiniń mamandary qundy qujattar men derekterimizdi kórmege ákelip otyrmyz.Onyń ishinde mýzeıdiń bastamasymen jaryqqa shyqqan «Aq jol»,«Sholpan» eńbekteri bar. Ulttyq merekeniń ulyqtalyp, halyqtyq toıǵa aınalǵany qýantady. Barsha shymkenttikterdi merekemen quttyqtaımyn,- deıdi buqara halyqpen jumys júrgizý bóliminiń mamany Zabıra Muratbekova.

Saltanatty jıynda Shymkent qalalyq mádenıet úıiniń ónerpazdary ánnen shashý shashty. Bilekti azamattar qol kúresip, myqtylary qoshqar kóterip, óz baqtaryn synady. Al, jasóspirimder asyq oınady. Qala dámhanalary men kondıterlik úıleri óz dámderin usyndy.

 

Pikirler