شىمكەنت قالاسى اكىمىنىڭ ءبىرىنشى ورىنباسارى شىڭعىس مۇقان جاس مەملەكەتتىك قىزمەتكەرلەرمەن كەزدەسىپ، ەركىن فورماتتا اڭگىمەلەستى. قر مەملەكەتتىك قىزمەت ىستەرى اگەنتتىگىنىڭ شىمكەنت قالاسى بويىنشا دەپارتامەنتى ءىس-شارانى 25 قازان – رەسپۋبليكا كۇنى مەرەكەسىنە وراي ۇيىمداستىردى.
كەزدەسۋدى وتكىزۋدەگى ماقسات – مەملەكەتتىك قىزمەتتىڭ وڭ ءيميدجىن قالىپتاستىرۋ، «ب» كورپۋسىنىڭ مەملەكەتتىك اكىمشىلىك قىزمەتىنە العاش كىرگەن مەملەكەتتىك قىزمەتشىلەرگە موتيۆاتسيالىق سەرپىن بەرۋ.
جيىندا ش.مۇقان مەملەكەتتىك قىزمەتكە دارىندى جاستاردى تارتۋ، مەملەكەتتىك قىزمەتشىلەردىڭ ءبىلىمى مەن بىلىكتىلىگىن جانە داعدىلارىن ۇزدىكسىز جەتىلدىرۋ، كاسىبي جانە جەكە قۇزىرەتتىلىكتەرىن ارتتىرۋدىڭ ماڭىزى تۋرالى ايتىپ بەردى.
– مەملەكەتتىك قىزمەتشىگە ارتىلار جاۋاپكەرشىلىك جۇگى اۋىر. ءاربىر مەملەكەتتىك قىزمەتشى قىزمەتتىك ەتيكانى ساقتاپ، ءوزىنىڭ بارلىق كۇش-جىگەرىن، ءبىلىمى مەن تاجىريبەسىن ەلىنە ادال قىزمەت ەتۋگە جۇمساۋى ءتيىس. مەملەكەتتىك قىزمەت – بۇل ۇلكەن جاۋاپكەرشىلىك. ءوز سالالارىڭنىڭ ۇزدىك مامانى بولىڭدار، – دەدى شىڭعىس جۇمابەكۇلى.
قر مەملەكەتتىك قىزمەت ىستەرى اگەنتتىگىنىڭ شىمكەنت قالاسى بويىنشا دەپارتامەنتىنىڭ باسشىسى ءالي كومەكباەۆ، قر پرەزيدەنتى جانىنداعى مەملەكەتتىك باسقارۋ اكادەمياسىنىڭ شىمكەنت قالاسى بويىنشا فيليالىنىڭ ديرەكتورى ادىلەت نىسانباەۆ مۇنداي ءىس-شارالار مەملەكەتتىك قىزمەتشىنىڭ حالىق الدىنداعى پاتريوتتىق سەزىمىن وياتىپ، جاۋاپكەرشىلىگىن ارتتىرۋعا سەپتىگىن تيگىزەتىنىنە توقتالدى.
كەزدەسۋ بەيرەسمي، ەركىن فورماتتا ءوتتى. جاستار تولعاندىرعان ساۋالدارىن قويدى.
