Shymkent qalasy ákiminiń birinshi orynbasary Shyńǵys Muqan jas memlekettik qyzmetkerlermen kezdesip, erkin formatta áńgimelesti. QR Memlekettik qyzmet isteri agenttiginiń Shymkent qalasy boıynsha departamenti is-sharany 25 qazan – Respýblıka kúni merekesine oraı uıymdastyrdy.
Kezdesýdi ótkizýdegi maqsat – memlekettik qyzmettiń oń ımıdjin qalyptastyrý, «B» korpýsynyń memlekettik ákimshilik qyzmetine alǵash kirgen memlekettik qyzmetshilerge motıvaııalyq serpin berý.
Jıynda Sh.Muqan memlekettik qyzmetke daryndy jastardy tartý, memlekettik qyzmetshilerdiń bilimi men biliktiligin jáne daǵdylaryn úzdiksiz jetildirý, kásibı jáne jeke quzirettilikterin arttyrýdyń mańyzy týraly aıtyp berdi.
– Memlekettik qyzmetshige artylar jaýapkershilik júgi aýyr. Árbir memlekettik qyzmetshi qyzmettik etıkany saqtap, óziniń barlyq kúsh-jigerin, bilimi men tájirıbesin eline adal qyzmet etýge jumsaýy tıis. Memlekettik qyzmet – bul úlken jaýapkershilik. Óz salalaryńnyń úzdik mamany bolyńdar, – dedi Shyńǵys Jumabekuly.
QR Memlekettik qyzmet isteri agenttiginiń Shymkent qalasy boıynsha departamentiniń basshysy Álı Kómekbaev, QR Prezıdenti janyndaǵy Memlekettik basqarý akademııasynyń Shymkent qalasy boıynsha fılıalynyń dırektory Ádilet Nysanbaev mundaı is-sharalar memlekettik qyzmetshiniń halyq aldyndaǵy patrıottyq sezimin oıatyp, jaýapkershiligin arttyrýǵa septigin tıgizetinine toqtaldy.
Kezdesý beıresmı, erkin formatta ótti. Jastar tolǵandyrǵan saýaldaryn qoıdy.
