بۇگىن شىمكەنت قالاسىنىڭ اكىمى م. ايتەنوۆ ءدىني بىرلەستىك وكىلدەرىمەن كەزدەسىپ، رۋحاني كەلىسىم كۇنىمەن قۇتتىقتادى.
قازاقستان - زايىرلى مەملەكەت، سول سەبەپتى ءداستۇرلى ءدىني كونفەسسيالاردىڭ جۇمىس ىستەۋىنە ەشقانداي شەكتەۋ جوقتىعىن تىلگە تيەك ەتكەن شاھار باسشىسى مەملەكەتتىك ساياساتتىڭ نەگىزگى ماقساتى - بەيبىتشىلىك پەن كەلىسىمدى نىعايتۋ ەكەنىن اتاپ ءوتتى.
“كونستيتۋتسيا بارلىق ازاماتتارعا، ولاردى نانىم سەنىمدەرى بويىنشا تەڭ قۇقىق بەردى. بيىل قىركۇيەك ايىندا استانا قالاسىندا قازاقستان رەسپۋبليكاسى مەملەكەت باسشىسى ق.ك. توقاەۆتىڭ باسشىلىعىمەن "الەمدىك جانە ءداستۇرلى دىندەر كوشباسشىلارىنىڭ VII سەزى" ءوتتى. سونىمەن قاتار، ريم پاپاسى فرانتسيسكتىڭ ەلىمىزگە جاساعان تاريحي ساپارىن اتاپ وتكەن ءجون. مەملەكەتتىك ساياسات ءبىزدىڭ ءدىني بىرلەستىكتەرىمىزدىڭ بەيبىتشىلىگى مەن رۋحاني كەلىسىمى نەگىزىندە دامي تۇسەدى”،-دەدى م.ايتەنوۆ.
ايتىپ وتەيىك، قالا اۋماعىندا 12 كونفەسسيانى بىلدىرەتىن 121 ءدىني بىرلەستىك تىركەلگەن، 9 ميسسيونەر بار.
كەزدەسۋگە قازاقستان مۇسىلماندارى ءدىني باسقارماسىنىڭ شىمكەنت قالاسى بويىنشا وكىل يمامىنىڭ ءبىرىنشى ورىنباسارى اقتامبەردى مۇسابەك، «سۆياتو-نيكولسكي كافەدرالنىي سوبور پريحودى» جەرگىلىكتى ءدىني بىرلەستىگىنىڭ پروتويەرەيى موگيلەۆسكي الەكساندر ۆالەرەۆيچ، «شىمكەنت ەۆانگەلدىك حريستياندىق «سۋن بوك ىم» شىركەۋى» جەرگىلىكتى ءدىني بىرلەستىگىنىڭ پاستورى تەن ميحايل ۆالەرەۆيچ، «ءسابي يسانىڭ - اۋليە تەرەزاسى اتىنداعى ريم-كاتوليك پريحودى» ءدىني بىرلەستىگى جەتەكشىسىنىڭ ورىنباسارى ريۆارولا حەرنان ريكاردو جانە ت.ب. ءدىن وكىلدەرى قاتىسىپ، دىندەگى احۋال، تۇراقتىلىق تۋرالى ءسوز ەتتى.
جيىن سوڭىندا شاھار باسشىسى مۇرات ايتەنوۆ مەرەكەگە وراي، كونفەسسيا باسشىلارىنا العىس حاتتار تابىستادى.
