Búgin Shymkent qalasynyń ákimi M. Áıtenov dinı birlestik ókilderimen kezdesip, Rýhanı kelisim kúnimen quttyqtady.
Qazaqstan - zaıyrly memleket, sol sebepti dástúrli dinı konfessııalardyń jumys isteýine eshqandaı shekteý joqtyǵyn tilge tıek etken shahar basshysy memlekettik saıasattyń negizgi maqsaty - beıbitshilik pen kelisimdi nyǵaıtý ekenin atap ótti.
“Konstıtýııa barlyq azamattarǵa, olardy nanym senimderi boıynsha teń quqyq berdi. Bıyl qyrkúıek aıynda Astana qalasynda Qazaqstan Respýblıkasy Memleket basshysy Q.K. Toqaevtyń basshylyǵymen "Álemdik jáne dástúrli dinder kóshbasshylarynyń VII sezi" ótti. Sonymen qatar, Rım Papasy Franısktiń elimizge jasaǵan tarıhı saparyn atap ótken jón. Memlekettik saıasat bizdiń dinı birlestikterimizdiń beıbitshiligi men rýhanı kelisimi negizinde damı túsedi”,-dedi M.Áıtenov.
Aıtyp óteıik, qala aýmaǵynda 12 konfessııany bildiretin 121 dinı birlestik tirkelgen, 9 mıssıoner bar.
Kezdesýge Qazaqstan musylmandary dinı basqarmasynyń Shymkent qalasy boıynsha ókil ımamynyń birinshi orynbasary Aqtamberdi Musabek, «Svıato-Nıkolskıı kafedralnyı sobor prıhody» jergilikti dinı birlestiginiń protoıereıi Mogılevskıı Aleksandr Valerevıch, «Shymkent Evangeldik hrıstıandyq «Sýn Bok Ym» shirkeýi» jergilikti dinı birlestiginiń pastory Ten Mıhaıl Valerevıch, «Sábı Isanyń - Áýlıe Terezasy atyndaǵy Rım-katolık prıhody» dinı birlestigi jetekshisiniń orynbasary Rıvarola Hernan Rıkardo jáne t.b. din ókilderi qatysyp, dindegi ahýal, turaqtylyq týraly sóz etti.
Jıyn sońynda shahar basshysy Murat Áıtenov merekege oraı, konfessııa basshylaryna alǵys hattar tabystady.
