پرەزيدەنت قاسىم-جومارت توقاەۆ 2025 جىلعا دەيىن ەل اۋماعىندا 1000 مەكتەپ سالۋدى تاپسىرعان ەدى. مەملەكەت باسشىسىنىڭ پارمەنى الماتى قالاسىندا جوسپارعا سايكەس ورىندالۋ ۇستىندە. الايدا، ءبىلىم وشاعىنداعى ورىن تاپشىلىعى ءالى كۇنگە ءتۇيىنى تارقاتىلماعان جايت بولىپ وتىر. بۇنىڭ وڭتايلى شەشىمى سۋ جاڭا ءبىلىم ۇياسىنىڭ ىرگەسىن قالاۋ. بۇل تۋرالى الماتى قالاسىنىڭ اكىمى ەربولات دوساەۆ تۇركسىب اۋدانىنىڭ تۇرعىندارىمەن كەزدەسۋ كەزىندە ايتتى، دەپ جازدى «ادىرنا» ءتىلشىسى.
جالپى، تۇركسىب اۋدانىندا 1 970 وقۋشى ورنى تاپشى. 2022 جىلدىڭ جەلتوقسان ايىندا مەكتەپتىڭ قۋاتىن 900 وقۋشى ورنىنا دەيىن ارتتىراتىن № 59 مەكتەپ-گيمنازيا عيماراتىنا (ساۋرانباەۆ كوشەسى بويىندا) قوسىمشا قۇرىلىستى سالا وتىرىپ، رەكونسترۋكتسيالاۋ باستالادى.
«بۇرىن ايتقانىمداي، كەلەسى جىلى 1050 ورىندىق ەكى قوسىمشا قۇرىلىس (№195 - 450 ورىن، №198 - 600 ورىن) جۇرگىزۋدى باستايمىز. قازىر جوبالاۋ-سمەتالىق قۇجاتتاماسى ازىرلەنىپ جاتىر. 2023 جىلدىڭ ماۋسىم ايىندا اياقتالادى»، - دەدى قالا اكىمى ەربولات دوساەۆ.
سونداي-اق مەكتەپكە دەيىنگى ۇيىمداردى جوندەۋ جانە سالۋ جۇمىستارى شەڭبەرىندە №70 ارنايى بوبەكجاي-بالاباقشا عيماراتىن سەيسميكالىق كۇشەيتۋ جالعاسۋدا، جۇمىستار 2023 جىلدىڭ ناۋرىز ايىندا اياقتالادى.
قۇرىلىس ماتەريالدارى باعاسىنىڭ قىمباتتاۋىنا، جۇمىسىن ادال اتقارمايتىن مەردىگەرلەردىڭ كوبەيۋىنە بايلانىستى «جاس قانات» شاعىناۋدانىنداعى 280 ورىندىق بالاباقشانى سالۋ جۇمىستارى توقتاتىلدى. قۇرىلىستى 2023 جىلدىڭ ءىىI توقسانىندا باستاۋ جوسپارلانعان.
2023 جىلدىڭ قاڭتار ايىندا «قايرات» شاعىناۋدانىندا 260 ورىندىق بالاباقشانىڭ قۇرىلىسى باستالادى.
