شىعىس قازاقستان وبلىستىق ء"بىلىم-يننوۆاتسيا" مامانداندىرىلعان ليتسەيىنىڭ وقۋشىسى تەمىرلان بايبولوۆ El maqtanyshy سىيلىعىنىڭ يەگەرى اتانىپ، ءبىر ميلليون تەڭگە سىياقىعا يە بولدى، دەپ حابارلايدى "ادىرنا" ۇلتتىق پورتالى التاينيۋس. سايتىنا سىلتەمە جاساپ.
"ەلباسى اكادەمياسىنىڭ" مالىمەتىنشە، بۇل سىيلىق بەدەلدى حالىقارالىق پاندىك وليمپيادالاردا جۇلدەلى ورىندارعا يە بولعان وقۋشىلار مەن ولاردىڭ جاتتىقتىرۋشى-تالىمگەرلەرىنە ارنالعان.
تەمىرلان بايبولوۆ 2020 جىلى ءىوى ينفورماتيكا پانىنەن حالىقارالىق وليمپيادادا كۇمىس مەدالدى جەڭىپ العان. El maqtanyshy – ونىڭ ەكىنشى سىيلىعى.
ون ءبىرىنشى سىنىپتىڭ وزات وقۋشىسى جاز بويى وليمپياداعا دايىندالىپتى.
"بۇل جوبا دارىندى بالالاردىڭ ەسىمدەرىن دارىپتەيدى. ولاردىڭ باس قوسىپ، پىكىر الماسۋىنا مۇمكىندىك بەرەدى. ماتەريالدىق كومەك تە قۋانتادى، البەتتە. اسىرەسە كوپ جاعدايدا ەسىمى اتالماي قالاتىن مۇعالىمدەردىڭ دە ەڭبەگى ەلەنەدى. سونىسىمەن ۇنايدى", – دەيدى تەمىرلان.
