Prezident Qasym-Jomart Toqaev 2025 jylǧa deiın el aumaǧynda 1000 mektep saludy tapsyrǧan edı. Memleket basşysynyŋ pärmenı Almaty qalasynda josparǧa säikes oryndalu üstınde. Alaida, bılım oşaǧyndaǧy oryn tapşylyǧy älı künge tüiını tarqatylmaǧan jait bolyp otyr. Būnyŋ oŋtaily şeşımı su jaŋa bılım ūiasynyŋ ırgesın qalau. Būl turaly Almaty qalasynyŋ äkımı Erbolat Dosaev Türksıb audanynyŋ tūrǧyndarymen kezdesu kezınde aitty, dep jazdy «Adyrna» tılşısı.
Jalpy, Türksıb audanynda 1 970 oquşy orny tapşy. 2022 jyldyŋ jeltoqsan aiynda mekteptıŋ quatyn 900 oquşy ornyna deiın arttyratyn № 59 mektep-gimnaziia ǧimaratyna (Sauranbaev köşesı boiynda) qosymşa qūrylysty sala otyryp, rekonstruksiialau bastalady.
«Būryn aitqanymdai, kelesı jyly 1050 oryndyq ekı qosymşa qūrylys (№195 - 450 oryn, №198 - 600 oryn) jürgızudı bastaimyz. Qazır jobalau-smetalyq qūjattamasy äzırlenıp jatyr. 2023 jyldyŋ mausym aiynda aiaqtalady», - dedı qala äkımı Erbolat Dosaev.Sondai-aq mektepke deiıngı ūiymdardy jöndeu jäne salu jūmystary şeŋberınde №70 arnaiy böbekjai-balabaqşa ǧimaratyn seismikalyq küşeitu jalǧasuda, jūmystar 2023 jyldyŋ nauryz aiynda aiaqtalady. Qūrylys materialdary baǧasynyŋ qymbattauyna, jūmysyn adal atqarmaityn merdıgerlerdıŋ köbeiuıne bailanysty «Jas Qanat» şaǧynaudanyndaǧy 280 oryndyq balabaqşany salu jūmystary toqtatyldy. Qūrylysty 2023 jyldyŋ III toqsanynda bastau josparlanǧan. 2023 jyldyŋ qaŋtar aiynda «Qairat» şaǧynaudanynda 260 oryndyq balabaqşanyŋ qūrylysy bastalady.
Ūqsas jaŋalyqtar
