بۇگىن ەلورداداعى نازارباەۆ حالىقارالىق اۋەجايىندا قازاقستان مەن تۇركيا استانالارى اراسىنداعى تىكەلەي اۋە رەيسىنىڭ سالتاناتتى اشىلۋ ءراسىمى ءوتتى. بۇل تۋرالى قر يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتى حابارلادى، دەپ جازادى "ادىرنا" ۇلتتىق پورتالى.
"استانا مەن انكارا اراسىنداعى رەيستەر اپتاسىنا 2 رەيس جيىلىگىمەن ب-737 ۇلگىسىندەگى اۋە كەمەلەرىندە جۇزەگە اسىرىلاتىن بولادى. تاسىمالداۋشى — «Turkish Airlines» تۇرىك اۋە كومپانياسىنىڭ ەنشىلەس كاسىپورنى بولىپ تابىلاتىن «AnadoluJet». العاشقى رەيستەرمەن 140 جولاۋشى ۇشىپ كەلىپ، 157 جولاۋشى ۇشىپ بارعان", - دەلىنگەن رەسمي حابارلامادا.
اتالعان رەيستىڭ اشىلۋى قازاقستان مەن تۇركيا اراسىنداعى ساۋدا، تۋريزم جانە بيزنەستى دامىتۋعا وڭ اسەرىن تيگىزەدى دەپ كۇتىلۋدە.
"ادىرنا" ۇلتتىق پورتالى
