Búgin elordadaǵy Nazarbaev halyqaralyq áýejaıynda Qazaqstan men Túrkııa astanalary arasyndaǵy tikeleı áýe reısiniń saltanatty ashylý rásimi ótti. Bul týraly QR Indýstrııa jáne ınfraqurylymdyq damý mınıstrliginiń baspasóz qyzmeti habarlady, dep jazady "Adyrna" ulttyq portaly.
"Astana men Ankara arasyndaǵy reıster aptasyna 2 reıs jıiligimen B-737 úlgisindegi áýe kemelerinde júzege asyrylatyn bolady. Tasymaldaýshy — «Turkish Airlines» túrik áýe kompanııasynyń enshiles kásiporny bolyp tabylatyn «AnadoluJet». Alǵashqy reıstermen 140 jolaýshy ushyp kelip, 157 jolaýshy ushyp barǵan", - delingen resmı habarlamada.
Atalǵan reıstiń ashylýy Qazaqstan men Túrkııa arasyndaǵy saýda, týrızm jáne bıznesti damytýǵa oń áserin tıgizedi dep kútilýde.
"Adyrna" ulttyq portaly
