"TechnoGrad" كومپانياسىنىڭ باسشىسى زيا تالعاتوۆ وسىنداي قيىن-قىستاۋ ۋاقىتتا كومپانيا مەن ونىڭ ءاربىر قىزمەتكەرى ازاماتتىق كورسەتۋگە دايىن ەكەندىگىن اتاپ ءوتتى. ولار ەكىباستۇزدىقتاردى قولدان كەلگەنشە دەمەپ، يگى باستامالارعا ات سالىسۋعا ءازىر.
- قازىر 500 رادياتور (جىلىتقىش قۇرىلعىلار) تيەلگەن جۇك كولىگى جولعا شىقتى. ءبىزدىڭ كومپانيا قايىرىمدىلىق جۇمىستارىمەن بەلسەندى اينالىسادى. جىل سايىن بيۋدجەتتەن حالىقتى الەۋمەتتىك قولداۋعا دەپ، اتاپ ايتقاندا، مەكتەپتەر، ۇيلەر، مەشىتتەر سالۋعا جانە شالعاي ەلدىمەكەندەگى بالالارعا سىيلىقتار بەرۋ ءۇشىن شامامەن 30 ميلليون تەڭگە بولىنەدى. جالپى، ەگەر جاقىڭىزعا كومەكتەسۋگە مۇمكىندىگىڭىز بولسا، ونى جاسايمىن دەپ جاتساڭىز، ەشكىم سىزگە قولبايلاۋ بولمايتىنىن اتاپ وتكىم كەلەدى. ەڭ قيىن ساعاتتا ادامداردىڭ ءبىر- ءبىرىن قولداۋى بىرلىگىن ارتتىرىپ، ەلىمىزدى كۇشتىرەك ەتە تۇسەدى، - دەيدى "TechnoGrad" كومپانياسىنىڭ باسشىسى زيا تالعاتوۆ.
جىلىتقىش قۇرىلعىلار بۇگىندە ەكىباستۇز قالاسىنا ءساتتى جەتكىزىلدى. ولار تۇرعىنداردىڭ ءوتىنىشى بويىنشا بىردەن تاراتىلعان. ەكىباستۇز قالاسى اكىمىنىڭ ورىنباسارى ماريام ماليكوۆا اتاپ وتكەندەي، قۇرىلعىلار باۋىرجان مومىشۇلى مەن ءماشھۇر ءجۇسىپ كوشەسىندەگى كوپپاتەرلى ۇيلەردىڭ تۇرعىندارىنا تابىستالدى.
"ادىرنا" ۇلتتىق پورتالى
