Prosports.kz پورتالى ۇلتتىق حوككەي قۇراماسىندا بولعان ەگور پەتۋحوۆ، انتون ساگادەەۆ جانە الەكسەي ماكليۋكوۆتىڭ رەسەي پايداسى جولىندا قازاقستان ازاماتتىعىنان باس تارتقانىن جانە ۇلتتىق قۇرامادان شىعاتىنىن جازدى. بۇل وقيعاعا قاتىستى سپورت ءجۋرناليسى اسلان قاجەنوۆ پىكىر ءبىلدىردى, دەپ حابارلايدى "ادىرنا" ۇلتتىق پورتالى.
سايتتىڭ حابارلاۋىنشا، پەتۋحوۆ "بارىس" قۇراماسىمەن قوش ايتىسادى. ماكليۋكوۆ بولسا ماگنيتوگورسكىدەگى "مەتاللۋرگكە" اۋىسادى. ساعادەەۆ "سوچيدە" مانسابىن جالعاستىرادى.
ۇلتتىق قۇراماعا "جۇعىمسىز بولعان" ۇشتىك قازاقستان ازاماتتىعىن السا دا، رەسەي ازاماتتىعىنان باس تارتپاعان. ولار اقىر سوڭىندا قازاقستان قۇراماسىنا قوسىلماۋعا شەشىم قابىلدادى. ولاردىڭ ارەكەتى ەل قۇراماسىنىڭ دايىندىعى مەن بابىندا بولۋىنا نۇقسان كەلتىرىپ، شىعىنعا باتىرعانىن ايتقان سپورت ءجۋرناليسى اسلان قاجەنوۆ بىلاي دەدى:
- كوك پاسپورتتان باس تارتىپ جاتىر... وتاندىح حوككەي ابدەن بىلىققا باتتى. كۇنى كەشە ۇلتتىق قۇراماداعى ءۇش بىردەي سپورتشى قازاقستان ازاماتتىعىنان باس تارتتى. ول - الەكسەي ماكليۋكوۆ. ول - ەگور پەتۋحوۆ. ول - انتون ساگادەەۆ. ءتىزىم ارى قاراي دا ۇلعايا ءتۇسۋى مۇمكىن.ەڭ cوراقىسى - بۇلار كەزىندە رەسەيدەن الدىرعان لەگيونەرلەر. ياعني، استى-ۇستىنە ءتۇسىپ، بارلىق جاعدايىن جاساپ، ۇلتتىق قۇراماعا قوستىق. ال، ودان سايىن اشىندىراتىنى - قازاقستان ازاماتتتىعىن الىپ تۇرىپ، رەسەي ازاماتتىعىنان باس تارتپاعان. ياعني، قولىندا 2 پاسپورتى بولدى. بۇندايعا بىزدە زاڭ بويىنشا رۇقسات جوق. ال، وتاندىق حوككەيدىڭ باس-قاسىنداعىلار زاڭدى "ۇرعانى" بار.قىسقاسى، ۇشەۋى رەسەيگە كەتتى. ءبىر ايدان كەيىن الەم چەمپيوناتى وتەدى. ياعني، وسىلارعا قىرۋار قارجى شاشىپ، ازاماتتىق الىپ بەرىپ، ەندى، مىنە، سول ءۇمىتتى اقتايدى دەگەن كەزدە تابانىن جالتىراتىپ تۇر...اسحات ورالوۆ، شۇعىل تۇردە مىنا جاعدايعا ارالاسىپ، ءمان-جايىن ءبىلىڭىز! وتاندىق حوككەي نەگە ءىرىپ جاتىر؟ ولارعا بولىنگەن ميللياردتتار قايدا؟ كونكرەتنىي اۋديت كەرەك. انا سپورتشىلارمەن كەلىسىم قايدا؟ قۇجاتتاردى تەكسەرۋ كەرەك. نەگە ولار قازاقستاندى «پروحودنوي دۆور» قىلىپ جىبەردى؟ نورا كەلىپ ءبىر لاقتىرادى، انتون كەلىپ ءبىر لاقتىرادى. قازاق حالقى سونشالىق اڭعال ما؟!
سونىمەن قاتار، جۋرناليست ەل قارجىسىن جەلگە شاشقان شەتەلدىك لەگيونەرلەردى الدىرتۋدىڭ ورىندى-ورىنسىز ەكەنىنە كۇمان كەلتىرەدى..
- قازىر ۇلتتىق قۇرامادا جۇرگەن باسقا دا شەتەلدىكتەردى دە ءبىر جاقتى قىلۋ كەرەك. بىزگە كانادا مەن رەسەي ويىنشىلارى كەرەك پە؟ ءوزىمىزدىڭ بالالاردى نەگە قاتارعا قوسپايمىز؟ مەيلى جەڭىلسىن. بىراق، ولار كوك پاسپورتتان باس تارتا المايدى. سوندىقتان، سوڭىنا دەيىن وينايدى. نامىسقا تىرىسادى. قازاق بالالارىن كوبىرەك قوسساق، تىپتەن، كادىمگىدەي سەرپىلىس بولار ەدى. ارەكەت قىلايىق... - دەدى قاجەنوۆ.
"ادىرنا" ۇلتتىق پورتالى
