Körşı Qytaidaǧy qabyldanǧan qataŋ şaralarǧa qaramastan Qazaq elınde koronavirustyŋ taraluyna bailanysty şekteu şaralaryn engızu josparda joq. Būl jaily QR Densaulyq saqtau ministrı mälımdedı, dep habarlaidy "Adyrna" ūlttyq portaly.
Densaulyq saqtau ministrı Ajar Ǧiniiattyŋ aituynşa, bügınderı Qytai men Qazaqstandaǧy koronavirus infeksiiasyna qatysty jaǧdaidyŋ aiyrmasy jer men köktei.
Ministr pandemiia bastalǧannan berı Qytai öte qataŋ şekteu şaralaryn qabyldap, infeksiiany oqşaulauǧa qatysty şekteu ıs-şaralaryna erekşe män berdı.
Densaulyǧymyzdyŋ bas janaşyry bügınde el azamattarynyŋ 10 millionnan astamy ındentten qorǧaityn ekpe saldyrǧanyn aitty. Bes million adam qaita vaksinalanu prosesınen ötken.
- "Qazır Qytaidaǧy ūjymdyq immunitet qandai deŋgeide ekenın aita almaimyn. Olarda auru şyqqan jerlerde şekteu ıs-şaralary qabyldanady. Būǧan halyq öz narazylyǧyn bıldırıp jatqan bolar", - dep Ajar Ǧiniiat Qazaqparat tılşısı qoiǧan sūraqqa jauap berdı.
"Bızde ūjymdyq immunitet qalyptasqan, sondai-aq omikrondy adamdar jeŋıl eŋserıp jatqanyn eskere otyryp, el aumaǧynda şekteu ıs-şaralaryn engızu josparlanbaǧan", - dedı QR Densaulyq saqtau ministrı Ajar Ǧiniiat.Jaqynda Qazaq elınde koronavirustyŋ "Omikron BQ.1.1" ştamynyŋ bır nūsqasy - "Serber" ştamynyŋ belgılerı baiqalǧany habarlanǧan edı.
"Adyrna" ūlttyq portaly
Ūqsas jaŋalyqtar
