Premer-mınıstr Álıhan Smaıylov Ekibastuzdaǵy apatty jaǵdaıdyń basty sebepterin atady., dep habarlaıdy “Adyrna” ulttyq portaly.
«Qazirgi jaǵdaıdyń sebepteri jylý jelileriniń ábden tozýy jáne jylý ortalyǵy basshylyǵy tarapynan nemquraıdylyq pen ınvestıııalardyń jetkiliksizdigi bolyp otyr. Tıisti tergeý júrgizilip jatyr jáne barlyq jaýapty jáne kináli adamdar, árıne, jaýapqa tartylady», - dedi premer-mınıstr Ekibastuzǵa jumys sapary barysynda.
Sonymen birge, Úkimet basshysy JEO ıelerimen tıisti jumys júrgiziletinin, bıylǵy jylytý maýsymynda olar tolyǵymen TE pen jylý jelileriniń turaqty jumysyn qamtamasyz etetinin jetkizdi.
Eske salaıyq, 27 qarashada Ekibastuz halqy qaqaǵan sýyqta jylýsyz qaldy. «Ekibastuzenergo» JShS-nyń habarlaýynsha, 27 qarashada túngi saǵat 01:20 ýaqytynda №11 jylý qazandyǵy toqtaǵan. Sosyn 01:30 shamasynda úlken kólemdegi jelilik sý shyǵynyna baılanysty, №13, 14 jáne 15 qazandyqtar isten shyqqan.
28 qarashada Ekibastuz qalasynyń ákimi jylý jelilerindegi apatqa baılanysty qala aýmaǵynda tehnogendik sıpattaǵy jergilikti tótenshe jaǵdaı jarııalady. Apat saldarynan kópqabatty 17 turǵyn úı jáne birneshe áleýmettik, zańdy tulǵa nysandary jylýsyz qaldy.
