2022 jyldyń 9 aıynyń qorytyndysy boıynsha Qazaqstanda jumys istep jatqan makaron ónimderin shyǵaratyn 40 kásiporyn 122,8 myń tonna ónim óndirdi. Byltyrǵy uqsas kezeńmen salystyrǵanda kórsetkishterdiń 5,8% - ǵa ósýi baıqalady. Bul rette qazaqstandyqtar jyl saıyn orta eseppen 130 myń tonnaǵa jýyq makaron tutynady. Bul týraly Qazaqstan Respýblıkasynyń Aýyl sharýashylyǵy mınıstrligi málimdedi, dep habarlaıdy “Adyrna” ulttyq portaly
Eksportqa keletin bolsaq, shetelge 47,1 myń tonna satyldy, bul kólem 2021 jyldyń uqsas kezeńiniń deńgeıinde qaldy. Qazaqstandyq makaronnyń negizgi tutynýshylary Reseı, Ózbekstan jáne Tájikstan bolyp otyr.
Sondaı-aq makaron ónimderiniń az kólemi Qazaqstanǵa ımporttala bastady. Qańtardan qyrkúıekke deıingi kezeńde elge tek 23,4 myń tonna sheteldik ónim ákelindi, bul kórsetkish 8,2% - ǵa tómendedi. Salystyrý úshin aıta keteıik, 2021 jyldyń osy kezeńinde 25,5 myń tonna ımporttalǵan bolatyn.
