ايتقالي يسەنگۋلوۆتىڭ 75-جىلدىق مەرەيتويىن قۇرمەتتەۋ سالتاناتى

1978
Adyrna.kz Telegram

قۇرلىق اسكەرلەرى اسكەري ينستيتۋتىندا ەلىمىزدىڭ ەگەمەندىك العان كۇنىنەن باستاپ قازاقستان رەسپۋبليكاسىنىڭ تاربيە جانە الەۋمەتتىك-قۇقىقتىق جۇمىستار جونىندەگى تۇڭعىش ورىنباسارى بولعان گەنەرال-مايور ايتقالي گۋسمانوۆيچ يسەنگۋلوۆتىڭ 75-جىلدىق مەرەيتويىن قۇرمەتتەۋ سالتاناتى ءوتتى. سالتاناتتى ءىس-شارادا قازاقستان رەسپۋبليكاسىنىڭ قارۋلى كۇشتەرى باس شتاب باستىعىنىڭ ورىنباسارى گەنەرال-مايور مۋحامەدجان تالاسوۆ، قارۋلى كۇشتەر ارداگەرلەرى، الماتى گارنيزونىنىڭ قۇرىلىمدارى مەن اسكەري ءبولىم كومانديرلەرى، اسكەري وقۋ ورىندارىنىڭ پروفەسسورلىق وقىتۋشىلىق قۇرامى، كۋرسانتتارى جانە تاربيەلەنۋشىلەرى قاتىسىپ تاربيەسى مول ءىس-شارانىڭ كۋاگەرى بولدى.

قۇرلىق اسكەرلەرى اسكەري ينستيتۋتى مۇراجايىندا اتاۋلى كۇنگە قۇرمەت كورسەتىپ مەرەيتوي يەسى ا.گ.يسەنگۋلوۆقا ارنالعان بۇرىشتىڭ سالتاناتتى اشىلۋ ءراسىمى ءوتتى. قازاقستان رەسپۋبليكاسى قارۋلى كۇشتەرى قۇرىلۋى جانە دامۋىنا قوسقان ۇلەسى ءۇشىن قورعانىس ءمينيسترىنىڭ بۇيرىعىمەن گەنەرال-مايور ا.گ.يسەنگۋلوۆ ءبىرىنشى دارەجەلى «ەل قورعانى» مەدالىمەن ماراپاتتالدى.

ا.گ.يسەنگۋلوۆ 1943 جىلى ورىنبور وبلىسىندا دۇنيەگە كەلگەن. قسرو قارۋلى كۇشتەرىندە ارميالىق ءومىر جولدىڭ باستاۋىن ساربازدان باستاپ گەنەرال شەنىندە ءتامامدادى.

تاۋەلسىز قازاقستان اسكەرلەرى قۇرىلعان كۇنىنەن باستاپ قازاقستان رەسپۋبليكاسى قورعانىس ءمينيسترىنىڭ كەڭەسشىسى، كەيىندە تۇڭعىش قورعانىس ءمينيسترىنىڭ تاربيە جانە الەۋمەتتىك-قۇقىقتىق جونىندەگى ورىنباسارى لاۋازىمدارىنا تاعايىندالىپ قازاقستان رەسپۋبليكاسى قارۋلى كۇشتەرىنىڭ قۇرىلىمدارىنا تاربيەشىلەردى ەنگىزۋشىنىڭ نەگىزىن قالاۋشىسى بولدى.

قىزمەت بارىسىندا «قۇرمەت بەلگىسى»، «قىزىل جۇلدىز»، «قۇرمەت» جانە باسقا دا 35 مەدالمەن ماراپاتتالدى.

بۇگىنگى تاڭدا ايتقالي گۋسمانوۆيچ يسەنگۋلوۆ ەڭبەگى سىڭگەن ەرەندى دەمالىستا بولسا دا قوعامدىق ومىردە جانە جاستاردى اسكەري پاتريوتتىق تاربيەلەۋدە بەلسەنە قاتىسۋدا.

قۇرلىق اسكەرلەرى اسكەري ينستيتۋتىنىڭ ءباسپاسوز قىزمەتى

پىكىرلەر