قازاقستان رەسپۋبليكاسىنىڭ باسشىسى قاسىم-جومارت توقاەۆ پاريجگە ات باسىن بۇردى. پرەزيدەنت فرانتسيا جەتەكشىسى ەممانۋەل ماكرونمەن كەلىسسوزدەر جۇرگىزەدى، دەپ حابارلايدى "ادىرنا" ۇلتتىق پورتالى.
Bort No1 تەلەگرام-ارناسىنىڭ حابارلاۋىنشا، توقاەۆ پەن ماكرون ساۋدا-ەكونوميكالىق، ينۆەستيتسيالىق جانە گۋمانيتارلىق سالالارداعى ستراتەگيالىق سەرىكتەستىكتى دامىتۋ مۇمكىندىكتەرىن تالقىلايدى.
سونىمەن قاتار، مەملەكەت باسشىسى فرانتسۋز ىسكەر توپتارىنىڭ وكىلدەرىمەن بىرقاتار كەزدەسۋلەر وتكىزەدى.
بۇعان دەيىن قاسىم-جومارت توقاەۆ ماسكەۋدە ساپارمەن بولدى. ۆلاديمير پۋتينمەن كەزدەسۋدىڭ قورىتىندىسى بويىنشا قازاقستان رەسپۋبليكاسى مەن رەسەي فەدەراتسياسى اراسىندا ديپلوماتيالىق قارىم-قاتىناستاردىڭ ورناتىلعانىنا 30 جىل تولۋىنا بايلانىستى دەكلاراتسياعا قول قويىلدى.
