وتكەن دەمالىس كۇندەرى Al-Farabi تۇرعىندارى BI Group قۇرىلىس كومپانياسىنىڭ قىزمەتكەرلەرىمەن بىرگە جاڭا كەشەننىڭ اۋلاسىنا ەسىمدەرى جازىلعان اعاش كوشەتتەرىن ەكتى.
بۇل ءىس-شارا شىمكەنتتە قازاقستاننىڭ مەگاپوليستەرىندەگى ەكولوگيالىق جاعدايدى جاقسارتۋعا باعىتتالعان ءداستۇرلى BI Green ناۋقانى اياسىندا ءوتتى.
ءبىر كۇندە 60 ءتۇپ اعاش پەن بۇتا ەگىلدى. دەندرولوگتار ءوڭىردىڭ ىستىق كليماتىنا بارىنشا قولايلى شاعان، تالشىن، بوز ارشا، شىرشا، ارشا، مويىل، جوكە اعاشى، بورىقاراقات سەكىلدى وسىمدىكتەردى تاڭداپ الدى.
ابزال باتىرباي، Al-Farabi جوباسىنىڭ جەتەكشىسى:
ء“بىز ءاربىر سالىنعان كەشەنمەن بىرگە ونىڭ اينالاسىنداعى بارلىق قاجەتتى ينفراقۇرىلىمدى، سونىڭ ىشىندە ساياباقتار مەن گۇل باقتارىن دا جاساپ بەرەمىز. ارينە، مۇنى تۇرعىنداردىڭ كومەگىنسىز جاساي الماس ەدىك. شىمكەنتتە BI Green ناۋقانى وسىمەن ەكىنشى رەت وتكىزىلىپ جاتىر. بۇل جولعى ەستافەتانى Tamerlan Residence تۇرعىن ءۇي كەشەنىنەن Al-Farabi تۇرعىن ءۇي كەشەنى الدى. بارشاڭىزدى وسى ءبىر تاماشا كۇنمەن قۇتتىقتاعىم كەلەدى، قالا تۇرعىندارىنا سۇيىكتى قالامىزدى كوگالداندىرۋعا قوسقان ۇلەستەرى ءۇشىن العىس ايتامىن”.
ازات پەن جاناردىڭ وتباسى:مۇنداي ناۋقانعا بۇكىل وتباسىمىزبەن، بالالارىمىزبەن بىرگە العاش رەت قاتىسىپ تۇرمىز. العان اسەرىمىز شەكسىز! بۇگىن كورشىلەرىمىزبەن تانىسىپ، اۋلامىزدى كوركەيتۋگە ءوز ۇلەسىمىزدى قوستىق. ەندى ءوز قولىمىزبەن وتىرعىزعان اعاشتاردىڭ قالاي ءوسىپ جاتقانىن كۇندەلىكتى قۋانا باقىلاپ تۇراتىن بولامىز. وسكەلەڭ ۇرپاقتىڭ بويىنا تابيعاتقا دەگەن سۇيىسپەنشىلىكتى ءسىڭىرىپ، ونى قۇرمەتتەۋگە تاربيەلەۋ ءۇشىن مۇنداي ءىس-شارالاردى ءجيى وتكىزىپ تۇرۋ كەرەك دەپ ويلايمىز.
ءىس-شارا BI Service باسقارۋشى كومپانياسىنىڭ جاڭا ءداستۇرى – كورشىلەردىڭ ءبىر-بىرىمەن تانىسىپ-بىلىسۋىمەن اياقتالدى.
ەلىمىزدى كوگالداندىرۋ جونىندەگى ەكولوگيالىق جوبا ەلوردادا 2020 جىلدىڭ كۇزىندە باستالىپ، قۇرىلىس حولدينگىنىڭ 25 جىلدىق مەرەيتويىنا ورايلاستىرىلىپ وتكىزىلگەن بولاتىن. BI Green قوزعالىسىنىڭ ارقاسىندا قازاقستان بويىنشا 49 000 جاڭا وسىمدىك وركەن جايدى.
وسى رەتتە BI Group كومپانياسىنىڭ قوعام ومىرىنە بەلسەندى تۇردە ارالاساتىنىن ەستەرىڭىزگە سالا كەتەيىك. كومپانيا ESG قاعيداتتارىن قاتاڭ ۇستانا وتىرىپ، كوپتەگەن الەۋمەتتىك جانە قايىرىمدىلىق جوبالارىن ىسكە اسىرىپ كەلەدى. قورشاعان ورتانى قورعاۋمەن قاتار كومپانيانىڭ باسىم باعىتتارىنىڭ قاتارىندا سپورتتى كەڭىنەن ناسيحاتتاۋ، الماتى تاۋلارىنداعى تۋريستىك باعىتتاردى رەتكە كەلتىرۋ، ءبىلىم بەرۋ جوبالارى مەن مەملەكەتتىك ءتىلدى دامىتۋ ماسەلەلەرى دە بار.
”ادىرنا” ۇلتتىق پورتالى
