الماتى قالاسى، الاتاۋ اۋدانىندا اشىلعان №209-قازاق-ورىس ارالاس مەكتەبىنىڭ ءبىلىم ساياساتىنا قاتىستى قوعام بەلسەندىسى مەرۋەرت تۇلەنوۆا شاعىم ايتىپ، وقىرمان قاۋىمعا وي سالدى. بۇل جايلى "ادىرنا" ۇلتتىق پورتالى جازدى.
- "بەتپاق جەڭدى، بەيشارا كوندى" دەمەكشى، بۇگىن ءبىزدىڭ اۋداندا قازاقشا-ورىسشا وقىتاتىن №209 ارالاس مەكتەپ-گيمنازيا اشىلدى. اۋداندا "سىنا، دوچا" دەيتىندەردىڭ داۋىسى جارقىن-جارقىن شىعىپ، ۋلاپ-شۋلاپ، جەتىسكەن ءتۇرىمىز وسى. 21 عاسىر. الماتى قالاسى. جاڭا قازاقستاننىڭ جاڭا ارالاس مەكتەبى، - دەپ جازدى بەلسەندى.
قازاق باسىم تۇراتىن اۋداندا قازاقشا ەمەس، قازاقشا-ورىسشا ءبىلىم بەرەتىن مەكتەپتىڭ اشىلۋىنا وقىرماندار دا اشىنىپ، نارازىلىق ءبىلدىردى:
ء"بىر مەملەكەت ىشىندە ەكى قوعام بولىپ ءومىر سۇرۋگە كۇندەردىڭ كۇنىندە ءبىر توقتام بولارى ءسوزسىز...","باسقىنشىلىق پەن قورعانشىلىقتىڭ (قورعانسىز ءتىل) قايسىسى جەڭەتىنى تىكەلەي بيلىكتىڭ ارەكەتىنە قاتىستى بولماق...",
ء"وز ءتىلىن مەنسىنبەگەنى - ولگەنى. سول "دوچا" دەيتىندەردىڭ ەرتەڭ ۇرپاعى ازىپ توزىپ جوعالادى","سىنا، دوچا دەيتىندەردىڭ 95%-ى قارا كوزدەر عوي",
"اتاكا، اجەكا دەيتىن نەمەرەلەر دە تولىپ ءجۇر..ولاردىڭ سولاي ايتقانىنا قازاقتىڭ كەمپىر-شالى ءماز. سوعان ساي شۇلدىرلەپ ولار دا ءجۇر. بۇلاردىڭ سانالارى ويانبايتىن شىعار-اق....",
"99 پايىز قازاق تۇراتىن ءبىزدىڭ سايالىدا دا ورىسشا شۇلدىرلەيتىن بەتپاق كەلىنشەكتەر جەتىپ ارتىلادى. دارحاندا دا بارشىلىق شىعار. اۋدان اكىمى كەزدەسۋگە كەلگەندە وڭكەي قازاق تۇرسا دا سول ايەلدەر ورىسشا سۇراق قويىپ، ورىسشا جاۋاپ بەرىلدى عوي. وزدەرى اۋىزدىعا ءسوز، اتتىعا جول بەرمەيتىن تيپتەن",
"ارالاس مەكتەپتە ورىس كلاسستارىنا باسىمدىق بەرىلەدى. سوسىن ورىس كلاسستارىنىڭ بالالارى جالپى كىشكەنە "ناگلىيلاۋ" بولادى دا، قازاقتاردى كەمسىتەدى. ونداي ناگلوست-تى بىزدىكىلەر “ورىستار پىسىق بولادى” دەپ جاتا كەپ ماقتايدى. سوسىن بالا ءوزىن ءبىر ءزابىر كورگەن ادام رەتىندە سەزىنىپ جۇرەدى",
"ارالاس مەكتەپتە وقىعان ستۋدەنتىم بار، وتە قيىن، ارالاس مەكتەپتە وقىعان جامان دەيدى... بالا ەكىجاقتى بوپ قالادى. بەكەر ارالاس جاسايدى. ءبولىپ وقىتسىن!" دەگەن پىكىرلەر قارشا بورادى.
