Almaty qalasy, Alataý aýdanynda ashylǵan №209-qazaq-orys aralas mektebiniń bilim saıasatyna qatysty qoǵam belsendisi Merýert Túlenova shaǵym aıtyp, oqyrman qaýymǵa oı saldy. Bul jaıly "Adyrna" ulttyq portaly jazdy.
- "Betpaq jeńdi, beıshara kóndi" demekshi, búgin bizdiń aýdanda qazaqsha-oryssha oqytatyn №209 aralas mektep-gımnazııa ashyldy. Aýdanda "syna, docha" deıtinderdiń daýysy jarqyn-jarqyn shyǵyp, ýlap-shýlap, jetisken túrimiz osy. 21 ǵasyr. Almaty qalasy. Jańa Qazaqstannyń jańa aralas mektebi, - dep jazdy belsendi.
Qazaq basym turatyn aýdanda qazaqsha emes, qazaqsha-oryssha bilim beretin mekteptiń ashylýyna oqyrmandar da ashynyp, narazylyq bildirdi:
"Bir memleket ishinde eki qoǵam bolyp ómir súrýge kúnderdiń kúninde bir toqtam bolary sózsiz...","Basqynshylyq pen qorǵanshylyqtyń (qorǵansyz til) qaısysy jeńetini tikeleı bıliktiń áreketine qatysty bolmaq...",
"Óz tilin mensinbegeni - ólgeni. Sol "docha" deıtinderdiń erteń urpaǵy azyp tozyp joǵalady","Syna, docha deıtinderdiń 95%-y qara kózder ǵoı",
"Ataka, Ajeka deıtin nemereler de tolyp júr..Olardyń solaı aıtqanyna qazaqtyń kempir-shaly máz. Soǵan saı shúldirlep olar da júr. Bulardyń sanalary oıanbaıtyn shyǵar-aq....",
"99 paıyz qazaq turatyn bizdiń Saıalyda da oryssha shúldirleıtin betpaq kelinshekter jetip artylady. Darhanda da barshylyq shyǵar. Aýdan ákimi kezdesýge kelgende óńkeı qazaq tursa da sol áıelder oryssha suraq qoıyp, oryssha jaýap berildi ǵoı. Ózderi aýyzdyǵa sóz, attyǵa jol bermeıtin tıpten",
"Aralas mektepte orys klasstaryna basymdyq beriledi. Sosyn orys klasstarynyń balalary jalpy kishkene "naglyılaý" bolady da, qazaqtardy kemsitedi. Ondaı naglost-ty bizdikiler “orystar pysyq bolady” dep jata kep maqtaıdy. Sosyn bala ózin bir zábir kórgen adam retinde sezinip júredi",
"Aralas mektepte oqyǵan stýdentim bar, óte qıyn, aralas mektepte oqyǵan jaman deıdi... Bala ekijaqty bop qalady. Beker aralas jasaıdy. Bólip oqytsyn!" degen pikirler qarsha borady.
