بۇگىن مەملەكەت جانە قوعام قايراتكەرى زامانبەك قالابايۇلى نۇرقادىلوۆتىڭ ومىردەن قايتقان كۇنى. ساياساتكەر 17 جىل بۇرىن، سەنبى كەشىندە ومىردەن ءوتتى، دەپ حابارلايدى "ادىرنا" ۇلتتىق پورتالى.
زامانبەك قالابايۇلى نۇرقادىلوۆ 1944 جىلى 15 قاڭتاردا الماتى وبلىسى نارىنقول اۋدانىندا دۇنيەگە كەلگەن. ول قازاق كسر-ءى مەن قازاقستان رەسپۋبليكاسىنىڭ مەملەكەت جانە قوعام قايراتكەرى، ساياساتكەر.
زامانبەك ءوزىنىڭ بالا كەزىن «كەدەي جانە جارتىلاي اش» دەپ ايتاتىن بولعان. اكەسى مايداندا قايتىس بولعان زامانبەكتى اناسى تاربيەلەدى. زامانبەك ۇلى ءجۇز، رۋى البان بولعان. ول قازاق پوليتەحنيكالىق ينستيتۋتتى، ينجەنەر-قۇرىلىسشى مامانداعىن بىتىرگەن.
زامانبەك نۇرقادىلوۆ 1994 جىلدىڭ ماۋسىمىنىڭ سوڭىنا دەيىن سول كەزدەگى قازاقستاننىڭ باس قالاسى الماتى قالاسىنىڭ 1-ءشى اكىمى رەتىندە قىزمەت ەتتى. 1995 - 1997 - قازاقستان رەسپۋبليكاسى پارلامەنتى ءماجىلىسىنىڭ دەپۋتاتى بولدى. كەيىننەن الماتى وبلىسىنىڭ اكىمى بولىپ، قازاقستان رەسپۋبليكاسى توتەنشە جاعدايلار اگەنتتىگىنىڭ توراعاسى رەتىندە قىزمەت اتقاردى.ءومىرىنىڭ سوڭعى جىلدارى وپپوزيتسيانىڭ ءىس-ارەكەتىنە ارالاستى.
2005 جىلدىڭ 12 قاراشاسىندا زامانبەك نۇرقادىلوۆ ءوز ۇيىندە ءولى تابىلدى. ونىڭ دەنەسىنە ءۇش بىردەي وق تيگەنى انىقتالدى. ەكى وق كەۋدەسىنە، بىرەۋى باسىنا تيگەن. بولعان وقيعانىڭ رەسمي نۇسقاسى بويىنشا ءوز-وزىنە قول جۇمساعان دەپ تانىلدى. كوپ قازاقستاندىق ءۇشىن ساياساتكەردىڭ ءولىمى جۇمباق كۇيىندە قالدى. ز. نۇرقادىلوۆ الماتىداعى "كەڭساي" زيراتىنا جەرلەنگەن.
"ادىرنا" ۇلتتىق پورتالى
