جاڭاتاستا «قازفوسفات» جۇمىسشىلارى ەرەۋىلگە شىقتى

2732
Adyrna.kz Telegram

بۇگىن، 25 قاراشادا جامبىل وبلىسى جاڭاتاس قالاسىندا «قازفوسفات كومپانياسىنىڭ جۇمىسشىلارى ەرەۋىلگە شىقتى، دەپ حابارلايدى «ادىرنا» ءتىلشىسى.

ولار باسشىلىقتان جالاقىنى 100 پايىزعا ءوسىرىپ، ەڭبەك جاعدايىن جاقسارتۋدى تالاپ ەتىپ وتىر. ايتۋلارىنشا، ەسكى قۇرال-جابدىقتاردىڭ سالدارىنان كەنىشتە جازاتايىم وقيعالار ءجيى بولادى. بۇعان دەيىن بىرنەشە جۇمىسشى قازا تاپقان.

جامبىل وبلىسى اكىمدىگىنىڭ ءباسپاسوز قىزمەتى بۇل فاكتى بويىنشا 20 ەرىكتى قىزمەتكەردەن تۇراتىن جۇمىس توبى قۇرىلعانىن مالىمدەپ، اكىمنىڭ جاعدايدى جەكە باقىلاۋىنا العانىن اتاپ ءوتتى.

بۇعان دەيىن تارازداعى «قازفوسفات» جشس جۇمىسشىلارى دا ەرەۋىلگە شىققان بولاتىن.

ايتا كەتەيىك، «قازفوسفات» جشس قۇرىلتايشىلارى نيدەرلاندىدا تىركەلگەن Kazakhmys Resources B. V. كومپانياسى، سونداي-اق نۇرلان نىعماتۋليننىڭ ۇلدارى – نۇرحان جانە نۇرجان نۇرلانوۆتار.

پىكىرلەر