Búgin, 25 qarashada Jambyl oblysy Jańatas qalasynda «Qazfosfat kompanııasynyń jumysshylary ereýilge shyqty, dep habarlaıdy «Adyrna» tilshisi.
Olar basshylyqtan jalaqyny 100 paıyzǵa ósirip, eńbek jaǵdaıyn jaqsartýdy talap etip otyr. Aıtýlarynsha, eski qural-jabdyqtardyń saldarynan kenishte jazataıym oqıǵalar jıi bolady. Buǵan deıin birneshe jumysshy qaza tapqan.
Jambyl oblysy ákimdiginiń baspasóz qyzmeti bul fakti boıynsha 20 erikti qyzmetkerden turatyn jumys toby qurylǵanyn málimdep, ákimniń jaǵdaıdy jeke baqylaýyna alǵanyn atap ótti.
Buǵan deıin Tarazdaǵy «Qazfosfat» JShS jumysshylary da ereýilge shyqqan bolatyn.
Aıta keteıik, «Qazfosfat» JShS quryltaıshylary Nıderlandyda tirkelgen Kazakhmys Resources B. V. kompanııasy, sondaı-aq Nurlan Nyǵmatýlınniń uldary – Nurhan jáne Nurjan Nurlanovtar.
