نازارباەۆ پرەزيدەنت سايلاۋىندا داۋىس بەردى

4270
Adyrna.kz Telegram

نۇرسۇلتان نازارباەۆ قر پرەزيدەنتتىگىنە سايلاۋدا داۋىس بەردى، دەپ حابارلايدى “ادىرنا” ۇلتتىق پورتالى.

ول «استانا وپەرا» تەاترىنداعى №393 ۋچاسكەگە كەلدى.

«ارينە، تاۋەلسىزدىگىمىز بار، مەملەكەت قۇرىلدى، مەنىڭ جەتەكشىلىگىممەن ەلوردا سالىندى، بىراق ءالى دە اتقارىلاتىن جۇمىستار كوپ. ول ءۇشىن ءبىر پرەزيدەنتتىڭ توڭىرەگىندە جۇمىس ىستەيتىن حالىقتىڭ بىرلىگى قاجەت. بۇل قازاق حالقىنىڭ، قازاقستان حالقىنىڭ بولاشاعى ءۇشىن وتە ماڭىزدى. مۇنى حالقىمىز تۇسىنەدى دەپ سەنەمىن»، - دەدى نۇرسۇلتان نازارباەۆ.

ايتا كەتەيىك، بۇگىن، 20 قاراشادا قازاقستاندا كەزەكتەن تىس پرەزيدەنت سايلاۋى ءوتىپ جاتىر. سايلاۋ ۋچاسكەلەرى جەرگىلىكتى ۋاقىت بويىنشا ساعات 20:00-گە دەيىن جۇمىس ىستەيدى. رەسپۋبليكا بويىنشا بارلىعى 10 101 سايلاۋ ۋچاسكەسى بار. قازاقستاننىڭ شەتەلدەگى مەكەمەلەرىندە 53 شەت مەملەكەتتە 68 ۋچاسكەلىك كوميسسيا قۇرىلدى.

سايلاۋ قۇقىعىنا يە ازاماتتاردىڭ تىزىمىنە بارلىعى 11 950 485 ادام ەنگىزىلگەن.

پىكىرلەر