Nursultan Nazarbaev QR prezıdenttigine saılaýda daýys berdi, dep habarlaıdy “Adyrna” ulttyq portaly.
Ol «Astana Opera» teatryndaǵy №393 ýchaskege keldi.
«Árıne, táýelsizdigimiz bar, memleket quryldy, meniń jetekshiligimmen elorda salyndy, biraq áli de atqarylatyn jumystar kóp. Ol úshin bir prezıdenttiń tóńireginde jumys isteıtin halyqtyń birligi qajet. Bul qazaq halqynyń, Qazaqstan halqynyń bolashaǵy úshin óte mańyzdy. Muny halqymyz túsinedi dep senemin», - dedi Nursultan Nazarbaev.
Aıta keteıik, búgin, 20 qarashada Qazaqstanda kezekten tys prezıdent saılaýy ótip jatyr. Saılaý ýchaskeleri jergilikti ýaqyt boıynsha saǵat 20:00-ge deıin jumys isteıdi. Respýblıka boıynsha barlyǵy 10 101 saılaý ýchaskesi bar. Qazaqstannyń sheteldegi mekemelerinde 53 shet memlekette 68 ýchaskelik komıssııa quryldy.
Saılaý quqyǵyna ıe azamattardyń tizimine barlyǵy 11 950 485 adam engizilgen.
