ناۆالنىيدان سوڭ. 70-تەن اسقان ءپۋتيننىڭ دە پايىزى ارتا باستادى

1017
Adyrna.kz Telegram
فوتو: aa.com.tr
فوتو: aa.com.tr

15-17 ناۋرىزدا رەسەيدە پرەزيدەنت سايلاۋى ءوتتى. ورتالىق سايلاۋ كوميسسياسىنىڭ الدىن-الا مالىمەتى بويىنشا، 70-تەن اسقان ۆلاديمير پۋتين 87%-دان استام داۋىسپەن جەڭىسكە جەتتى، دەپ حابارلايدى “ادىرنا” ۇلتتىق پورتالى

پۋتين جالپى داۋىستىڭ شامامەن، 87,38%-ىن يەمدەنگەن. ونىڭ باسەكەلەستەرى جالپى داۋىستىڭ شامامەن، 13%-نان از العان. 

العاشقى ەكزيت-پولداردىڭ ناتيجەسى ماسكەۋ ۋاقىتى بويىنشا ساعات 21:00-دە جاريالاندى. ونىڭ ءبارى ۆلاديمير ءپۋتيننىڭ سەنىمدى تۇردە جەڭىسكە جەتكەنىن جاريا ەتتى.

ەسكە سالساق، 2018 جىلى سايلاۋدا سايلاۋشىلاردىڭ 67,54% داۋىس بەرگەن. بۇل جولى رەسمي بيلىك داۋىس بەرۋشىلەردىڭ 74,22% سايلاۋعا كەلگەنىن حابارلادى.

ۋكراينانىڭ وككۋپاتسيالانعان وبلىستارىندا دا رەسەي بيلىگى داۋىس بەرۋدى ۇيىمداستىردى. باتىس ەلدەرى ونى بىرنەشە رەت ۋكراينا ەگەمەندىگىن بۇزۋ دەپ اتادى. رەسەي ارمياسى الىپ جاتقان زاپوروجە تەرريتوريالارىنىڭ، سونداي-اق حەرسون، دونەتسك جانە لۋگانسك وبلىستارىنىڭ تۇرعىندارى سايلاۋعا قاتىسۋعا ءماجبۇر بولدى. ولارعا قارۋلى اسكەريلەردىڭ سۇيەمەلدەۋىمەن كوميسسيا مۇشەلەرى كەلگەن.

2018 جىلى وتكەن سايلاۋدا ۆلاديمير پۋتين 76,69% قورىتىندى ناتيجەمەن جەڭىسكە جەتكەن ەدى.

ايتا كەتەيىك، سايلاۋ وتكەن كۇنى رەسەيدىڭ ءارتۇرلى قالاسىندا حالىق نارازىلىعىن ءبىلدىردى. ءبىرى سايلاۋ جاشىگىنە سۇيىقتىق شاشسا، ەندى ءبىر قالادا ۋچاسكەگە گاز شاشىپ كەتكەن. 

ەسكە سالايىق، اقپان ايىندا رەسەيلىك وپپوزيتسيونەر الەكسەي ناۆالنىي جازاسىن وتەپ جاتقان يامالو-نەنەتسك اۆتونوميالىق وكرۋگىندە قايتىس بولعان ەدى. ول تۇرمەدە وتىرىپ، حالىقتى پرەزيدەنت سايلاۋىنا قارسى ميتينگكە شىعۋعا شاقىرعان بولاتىن. ناۆالنىي ءوزىنىڭ جاقتاستارىنا قولدا بار مۇمكىندىكتىڭ ءبارىن پايدالانىپ، سايلاۋعا قارسى ۇگىت-ناسيحات جۇرگىزىپ، ساياسي دودانىڭ بولماۋىنا بار كۇش-جىگەردى سالۋ كەرەكتىگىن ايتقان ەدى.

پىكىرلەر