"شىعىنداردى جابامىز": سەنات 345 ميلليون ەۋرو قارىز الۋ تۋرالى زاڭ قابىلدادى

2924
Adyrna.kz Telegram

سەنات حالىقارالىق بانكتەن 345 ملن ەۋرو قارىز الۋ تۋرالى زاڭدى قابىلدادى. بۇل تۋرالى قازاقپارات حابارلادى، دەپ جازادى "ادىرنا" ۇلتتىق پورتالى.

«جىلدىڭ 2 شىلدەسىندەگى قر پرەزيدەنتىنىڭ جارلىعىنا سايكەس 345,7 ملن ەۋرو سوماسىنداعى قارىز تۋرالى كەلىسىمگە 24 تامىزدا قول قويىلدى. قارىز تولىعىمەن بيۋدجەت تاپشىلىعىن قارجىلاندىرۋعا باعىتتالاتىن بولادى. قاراجات رەسپۋبليكالىق بيۋدجەتتە كوزدەلگەن الەۋمەتتىك جانە باسقا دا ماقساتتارعا ارنالعان بيۋدجەت شىعىستارىن جابۋعا مۇمكىندىك بەرەدى»، - دەدى قر پرەمەر-ءمينيسترىنىڭ ورىنباسارى — قارجى ءمينيسترى ەرۇلان جاماۋباەۆ.

ونىڭ ايتۋىنا قاراعاندا، دۇنيەجۇزىلىك بانكتىڭ قارىزى قازاقستان رەسپۋبليكاسىنا 11,5 جىلعا بەرىلەدى. ونىڭ ىشىندە 2,5 جىلعا جەڭىلدىك كوزدەلگەن.

«سىياقى ستاۆكاسى ەۋريبور جانە وزگەرمەلى سپرەدتەن تۇرادى. بىرجولعى كوميسسيا دا يگەرىلمەگەن قارىز قالدىعىنا ەسەپتەلگەن رەزەرۆتىك كوميسسيا 0,25% قۇرايدى. قارىزعا قىزمەت كورسەتۋ جانە ونى وتەۋ كەلىسىمدە بەلگiلەنگەن قارجىلىق شارتتارعا سايكەس جۇزەگە اسىرىلادى»، - دەدى ەرۇلان جاماۋباەۆ.

سەنات دەپۋتاتتارى زاڭدى ءبىراۋىزدان قابىلدادى.

"ادىرنا" ۇلتتىق پورتالى 

پىكىرلەر